KlanNews #KlanNewsLajme #tvklan KlanNews #KlanNewsLajme #tvklan Spiker: Besard Jacaj

Analistët vlerësojnë se regjistrimi i popullsisë në Malin e Zi u zhvillua gjatë një fushate të ashpër politike dhe me mosbesim nga një pjesë e opinionit, gjë që shkaktoi ndarje të thellë në shoqërinë malazeze. Megjithatë, publikimi i rezultateve përfundimtare të regjistrimit të popullsisë në Mal të Zi treguan se asnjë grup etnik nuk ka shumicën absolute dhe se propaganda e forcave pro-serbe dhe pro-ruse nuk e arriti qëllimin e tyre. Sidoqoftë, çështjet e grupeve etnike dhe gjuhës janë mosmarrëveshjet kryesore politike në Mal të Zi, ku sipas vlerësimit të analistëve po keqpërdoren për qëllime...

Bayern Munich triumfoi me shifrat e thella 4-0 ndaj Stuttgart, në ndeshjen e vlefshme për javën e shtatë në Bundesligë. Pas pjesës së parë të mbyllur me rrjeta të paprekura, në të dytën bavarezët u shfaqën të papërmbajtshëm. Shkëlqeu sulmuesi Harry Kane, që shënoi tre gola, në minutat 57, 60 dhe 80, ndërsa Coman vulosi takimin në minutën e 89-të. Me këtë fitore, Bayern Munich rikthehet në krye të renditjes me 17 pikë, po aq sa edhe Leipzig i vendit të dytë. /tvklan.al

Lajme, #edicioniinformativ ora 19:30 data 19 Tetor 2024 #TvKlan #klanlajme Spiker: Drini Zeqo Headlines, 19 tetor 2024 Kthehen në Itali 12 emigrantët e Gjadrit, Meloni akuza gjykatës: Vendet e sigurta me ligj Kthehen në Itali 12 emigrantët e kampit të Gjadrit, pas vendimit të gjykatës së Romës. Qeveria italiane paralajmëroi një ligj të ri për caktimin e shteteve të sigurta dhe cilëson vendimin e gjyqësorit të politizuar. Javën e ardhshme pritet të mbërrijë një tjetër grup emigrantësh. Rama: Bashkimi me Europën realitet brenda dekadës, reforma në drejtësi goditi njerës me pushtet...

Milani u rikthye te fitorja në kampionat, pasi mposhti minimalisht Udinese-n, në sfidën e vlefshme për javën e tetë në Serie A. Kuqezinjtë iu falën një goli të shënuar nga Chukwueze në minutën e 13-të, për të marrë një sukses shumë të rëndësishëm. Vlen të përmendet se skuadra e Fonseca-s luajti me 10 lojtarë nga minuta e 29-të, pasi Reijnders u ndëshkua me karton të kuq. Miqtë barazuan shifrat në fundin e pjesës së parë me Ehizibue, por goli i anulua për pozicion jashtë loje. Në fraksionin e dytë Milani vuajti shumë për të ruajtur avantazhin dhe fitoren. VAR-i u bë protagonist edhe në fund të...

Dy makina u përplasën mbrëmjen e kësaj të shtune në Pogradec, e për pasojë njëra prej tyre përfundoi te trafikndarësja. Ngjarja ndodhi në afërsi të fshatit Lin, në aksin nacional Pogradec-Qafë Thanë. Gazetarja Daniela Zisi raporton se pavarësisht përplasjes së fortë, shoferi dhe pasagjerët nuk kanë marrë dëmtime serioze. Në vendin e ngjarjes ndodhet policia, e cila ka nisur punën për zbardhjen e plotë të rrethanave të këtij aksidenti./tvklan.al

Partizani nuk humbet prej 6 ndeshjesh dhe të dielën do të luajë në fushën e Elbasanit, ekipin me mbrojtjen më të mirë në kampionatin shqiptar. Këtë paraqitje e vlerëson trajneri i “të kuqve”, por gjithsesi beson tek ekipi i tij. “Elbasani është një ekip që duhet vlerësuar maksimalisht, ka lojtarë të cilët kanë përvojë në kampionatin shqiptar, kam respekt por në radhë të parë duhet të vlerësojmë veten tonë.” Trajneri i Partizanit thotë se duhet të kenë ecuri. “Janë 5 ose 6 ekipe që rivalizojnë për titullin. Është shumë e rëndësishme të ruajmë këtë ritëm. Për mua rruga e duhur është t’i hedhim...

Zonat e thella malore të juglindjes, me natyrë mahnitëse dhe biodiversitet të larmishëm po zgjojnë kuriozitetin e vizitorëve që vijnë edhe nga kontinente të tjerë. Turistë nga Shtetet e Bashkuara të Amerikës, të cilët kanë zgjedhur Shqipërinë për pushime, përfshinë në udhëtimin e tyre edhe Strelcën,një nga fshatrat malorë të bashkisë së Maliqit. “Jemi nga Amerika, New Hampshire. Për ne është hera e parë në Shqipëri. Kemi vizituar dje liqenin e Prespës, udhëtuam me varkë dhe hëngrëm peshk për drekë me familjet atje. Ishte një udhëtim i mrekullueshëm. Sot do të nisemi për në Berat, kemi...

Angelina Jolie kaloi në tapetin e kuq në Londër për premierën e filmit kushtuar sopranos Maria Callas. Për vetë aktoren e hollivudit, portretizimi një prej sopranove më të mëdha të të gjitha kohërave dhe mësimi për të kënduar opera për rolin në filmin “Maria” të regjisorit Pablo Larrain ishte i frikshëm, por terapeutik. “Unë në fillim, sigurisht që isha shumë nervoze për ta luajtur atë, por mendoj se kjo është një nga arsyet që nje aktore merr një rol, sepse nuk ndodh që të kesh frikë.” Në film Maria ka një përzierje te zërit të Jolie dhe te regjistrimeve origjinale nga...

Myrto Uzuni është rikthyer nga dëmtimi me dopietë golash. Sulmuesi shqiptar duket në formë të jashtëzakonshme në La Liga2. Beratasi ishte autor i një dopiete me fanellën e Granadës, ndaj Tenerifes. Uzuni zhbllokoi sfidën në minutën e 20-të, pas një asisti të marrë nga Saenz. 29-vjeçari kompletoi dopietën personale në minutën e 34-t, duke shënuar pas një topi të rrëmbyer në zonë. Uzuni humbi ndeshjen e kaluar për shkak dëmtimi, pas lëndimit të pësuar në Kombëtaren shqiptare, por tani duket në formë të shkëlqyer. Këtë sezon në La Liga2, shqiptari numëron 4 gola të shënuar dhe duket se është...