95% e të huajve që kanë hyrë në Shqipëri këtë vit nga Janari deri në Shtator kanë ardhur për pushime apo vizitë tek të afërm. Thënë ndryshe 9.2 milion vizitorë të huaj nga rreth 9.7 mln në total. Në krahasim me vjet sipas INSTAT ka një rritje me 18%. Ajo që bie në sy është edhe rritja e interesit të të huajve për të ardhur në Shqipëri për qëllime biznesi apo profesionale. Konkretisht në 9 muaj kanë hyrë në vendin tonë 155 mijë të huaj për këto qëllime, 57% më shumë sesa vjet për po të njëjtën periudhë. Nga ana tjetër ka një rënie të hyrjeve të të huajve për trajtime shëndetësore. Për këtë vit...

Në prag të zgjedhjeve të përgjithshme që pritet të mbahen pranverën e ardhshme, kryetari i Bashkisë së Tiranës, Erion Veliaj ka vendosur të rifreskojë të gjitha drejtoritë dhe ndërmarrjet kryesore bashkiake. Ai ka emëruar 12 drejtues të rinj, duke filluar nga drejtoresha e re e UKT-së Elda Muçi, e cila zëvendëson në këtë pozicion Elton Kacidhen, i cili e mbante këtë post prej 4 vitesh. Toni Beni do të jetë kreu i Policisë Bashkiake, duke zëvendësuar Ermal Kapllanin, i cili e mbante këtë pozicion prej afro 9 vitesh. Në krye të Ndërmarrjes së Rrugëve dhe Ndriçimit është emëruar Piro Sinjari,...

Presidenti Bajram Begaj është njohur me nismat e ndërmarra nga drejtuesit vendorë banorët dhe sipërmarrësit privatë, gjatë vizitës në bashkinë e Roskovecit. Kreu i Shtetit u prit nga Kryetarja e Bashkisë së Roskovecit, Majlinda Bufi, me të cilën bisedoi për projektet që i shërbejnë zhvillimit të zonës. Presidenti përgëzoi modelin e krijimit të shoqërive të përbashkëta i zgjedhur nga banorët e Roskovecit dhe i aplikuar fillimisht nga fermerët dhe artizanët, ndërsa vizitoi edhe një punishte artizanati ku janë të punësuara gra dhe vajza. Po ashtu, Begaj përshëndeti iniciativën e krijimit të...

Kryetari i PD, Sali Berisha u bën thirrje shqiptarëve që jetojnë në New York që ta presin me protesta kryeministrin Edi Rama, i cili ka planifikuar një takim të madh me ta të shtunën. Berisha i kërkoi qytetasve që jetojnë jashtë vendit që të japin kontributin e tyre kundër qeverisë “Rama”. Sali Berisha, kryetar i PD: Të përdorin vezë dhe domate kundër kreut të narkokrimit shqiptar që vjen për të kërkuar votën e tyre. Unë iu ftoj që të jepni kontributin tuaj në betejën kundër narkodiktaturës në Shqipëri. Duke i cilësuar politike akuzat ndaj kryetarit të PL, Ilir Meta, Berisha tha ai ndodhet në...

Presidenti rus Vladimir Putin mirëpret angazhimin e Donald Trump-it për t’i dhënë fund luftës në Ukrainë, nëse zgjidhet president. “Kam dëgjuar se ka dëshirë të bëjë çdo gjë për t’i dhënë fund konfliktit të Ukrainë. Sigurisht është i mirëpritur, ai dhe kushdo tjetër që ka këtë qëllim”, tha Putin. Duke folur për mediat nga samiti i BRIKS-it në Kazan, shefi i Kremlinit tha se nga Kievi ishin bërë përpjekje muajin e kaluar për bisedime paqeje prej të cilave u hoq më pas dorë. Putin tha po ashtu se perëndimi ka ndryshuar retorikën dhe se e ka kuptuar rrezikun e vërtetë të luftës në Ukrainë. Ndërsa...

Prokuroria e Posaçme i komunikoi këtë të premte deputetit të Partisë Socialiste, Plarent Ndreca, se ka ngritur ndaj tij akuzën e “Shkeljes së barazisë në tendera”. Me akuzën u njoh avokati i tij, Ermal Yzeiraj, i cili u paraqit i vetëm në ambientet e godinës së qelqtë. Vepra penale dyshohet nga SPAK se është kryer në bashkëpunim me ish-vartës të tij në kohën kur Plarent Ndreca mbante detyrën e Sekretarit të Përgjithshëm të Ministrisë së Brendshme. Hetimet kane lidhje me tenderat e rikonstruksionit të disa komisariateve të policisë në vend. Prokurorët e Posaçëm kanë marrë në këtë dosje të...

Arkeologët në Pompei kanë zbuluar një shtëpi me afreske e cila daton në shekullin e parë pas Krishtit. Sipas eksperteve gjendja e saj është shumw e mirw, me piktura murale tw ruajtura jashtëzakonisht mirw. Gabriel Zuchtriegel, drejtor i Parkut Arkeologjik: Ndodhemi në një shtëpi të vogël, por të dekoruar shumë mirë në qytetin e Pomepit, e cila është zbuluar nga gërmimet për të cilat është dashur bashkëpunimi i një sërë specialistësh si arkeologë dhe restaurues. Siç nënvizohet në një deklaratë nga Parkut Arkeologjik i Pompeit, ky zbulim hedh dritë  mbi ndryshimin e stilit arkitekturor...

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj. Të ftuar: Reinaldo Gaci- kengetar Teuta Maçi- farmaciste Në Skype:...

Lajme, #edicioniinformativ ora 12:00 data 25 Tetor 2024 #TvKlan #klanlajme Spiker: Redi Prifti

Katër makina janë përfshirë në një aksident në autostradën Tiranë-Durrës pranë Sukthit. Sipas policisë nga kjo ngjarje fatmirësisht nuk ka të lënduar. Megjithatë siç duket nga pamjet dëmet kanë qenë të mëdha. Ndër mjetet e përfshira në aksident është edhe një karrotrec. Si pasojë e aksidentit, në këtë segment të autostradës u krijua trafik i rënduar. Ndërkohë policia thotë se po punon për sqarimin e rrethanave të aksidentit si dhe lehtësimin e trafikut./tvklan.al