Ish-Presidenti i SHBA-së, Donald Trump dhe njëherësh kandidat për Presidencialet 2024, ka hedhur votën e tij në Florida. Trump ka qenë i shoqëruar nga bashkëshortja e tij, Melania Trump në zonën e tyre të votimit në Palm Beach.

Pas votimit, Trump ka mbajtur një prononcim për mediat, ku ka thënë se ndihet shumë i sigurt për shanset e tij në këto zgjedhje, duke shtuar se ai hyri në ditën e zgjedhjeve sot me një epërsi shumë të madhe. Trump shtoi se kjo ishte më e mira nga tre fushatat që ai drejtoi.

“Ndihem shumë i sigurt. Kam dëgjuar se po ia dalim shumë mirë kudo”, tha Trump.

Gjatë fjalës së tij, Trump shtoi se SHBA është një vend i madh por është në telashe teksa ka thënë se janë ata që duhet t’i rregullojnë.

“Ne kemi një vend të madh, por kemi një vend që është në telashe. Është në telashe të mëdha në shumë mënyra dhe ne duhet ta rregullojmë atë,” thotë ai. 

Ish-Presidenti kritikon gjithashtu faktin se mund të mos e dimë rezultatin e zgjedhjeve sonte. Duke veçuar Pensilvaninë, Trump thotë se është një zemërim i madh që mund të duhen dy ose tre ditë që rezultati të dihet./tvklan.al