Në natën e parë të audicioneve të “X Factor Albania” në Tv Klan, konkurrenti Fatlum Musai surprizoi me një performancë të fuqishme që i dha një tekst të ri këngës ikonike “Lose Yourself” të Eminem. Ajo që e bëri këtë performancë më të veçantë ishte adaptimi i tij i personalizuar i tekstit, i cili fliste për ëndrrën e tij për t’u bërë yll në botën e repit, për sfidat që ai po kalon dhe ëndrrën për të konkurruar në “X Factor Albania”.

Teksti që Fatlumi kishte shkruar vetë ishte i mbushur me emocion, ku shprehte dëshirën e tij për t’u njohur dhe për të lënë një gjurmë në industrinë e muzikës.

“Mora iniciativën në X Factor me dal, para publikut dhe jurisë, tu e mbyt me lojëra fjalësh”, ishin disa nga vargjet e shkruara prej tij, duke i dhënë një dimension personal këngës që po performonte.

Performanca e Fatlumit u prit me entuziazëm nga publiku dhe juria. Në fund, Fatlumi mori 4 “po” nga jurinë, një miratim të plotë që e çoi atë më pranë ëndrrës së tij për të shkëlqyer në skenën e “X Factor”./tvklan.al