Një ditë përpara protestës së paralajmëruar nga opozita, Partia Demokratike i ka bërë thirrje shqiptarëve të bashkohen në orën 9:30 të mëngjesit përpara parlamentit, ku pritet edhe votimi për Kryeprokurorin e përkohshëm.

Në një dalje për mediat nga selia blu, deputetja Grida Duma akuzoi Kryeministrin se përmes emërimit të një Kryeprokurori politik, po kërkon të mbyllë dosjet e krimit dhe korrupsionit.

Një ditë më parë, pas mbledhjes së Grupit Parlamentar dhe me krerët e degëve, Lulzim Basha e cilësoi antikushtetuese procedurën e ndjekur nga Kuvendi.

Sipas Bashës, me këtë akt Edi Rama po e çon vendin drejt destabilizimit. Për protestën e nesërme ka reaguar edhe ish-Kryeministri Berisha, i cili ftoi shqiptarët që t’i bashkohen asaj.

Tv Klan