#Lajme, #edicioniinformativ ora 19:30 data 12 Mars 2023 #TvKlan #KlanLajme

Spiker: Reis Çiço

Headlines  12 Mars 2023

KAS cakton relatorët për 2 paditë e PD. Berisha: Rama synon të përjashtojë opozitën.

Komisioni i Ankesave dhe Sanksioneve në KQZ cakton relatorët për paditë e PD-së së drejtuar nga Berisha dhe grupimi Alibeaj kundër vendimit të Celibashit për mosregjistrim në zgjedhje. Berisha akuzon Ramën se kërkon të përjashtojë opozitën.

Zbardhet dëshmia e Rozeta Dobit: Mora 10 mijë Euro për inskenimin.

Dalin në dritë të tjera detaje nga dosja hetimore ndaj ish-zyrtares, Alda Klosi. Sanitarja Rozeta Dobi ka zbuluar prona të tjera të Klosit në një dëshmi të dytë dhe se kishte marrë 10 mijë euro si shpërblim për inskenimin e vjedhjes së banesës.

8 vite burg për maqedonasin që u kap me 324 kg kokainë në Durrës.

Gjykata e Posaçme dënoi me 8 vite burg Nazif Ajroskin, i cili u kap në portin e Durrësit me 324 kilogramë kokainë rreth dy vite më parë. Shoferi maqedonas akuzohet se është pjesë e një grupi të strukturuar kriminal.

Euro vijon rënien në tregu valutor. Leku forcohet edhe ndaj Dollarit amerikan.

Vijon rënia e Euros në tregun e këmbimit valutor. Monedha e përbashkët europiane këmbëhet tashmë me 114,7 lekë duke humbur 10 pikë në krahësim me të njëjtën periudhë të një viti më parë. Leku forcohet edhe ndaj dollarit amerikan.

Aksident zinxhir, përfshihen 40 makina në Hungari. 1 viktimë dhe 39 të lënduar.

Një aksident masiv ku u përfshinë më shumë se 40 automjete ndodhi në Hungari. 1 person humbi jetën ndërsa 39 të tjerë u lënduan, 13 prej të cilëve janë në gjendje të rëndë. Shkak dyshohet se u bë mungesa e pamjes nga një stuhi pluhuri.

Bronz për Shqipërinë në Kupën e Botës. Matvei Petrov merr medalje në Baku.

Gjimnasti rus Matvei Petrov që garon për Shqipërinë arriti një tjetër sukses në arenën ndërkombëtare duke marrë medaljen e bronzit në Kupën e Botës të mbajtur në Azerbajxhan. 32-vjeçari siguron pjesëmarrjen edhe në Kampionatin Botëror. 

/tvklan.al