#Lajme, #edicioniinformativ ora 23:30 data 19 Shtator 2023 #TvKlan #KlanLajme

Spiker: Reis Çiço

Headlines 19 Shtator 2023

Rama, mesazh para drejtimit të KS të OKB: Bota të dënojë luften e të nisë procesin e paqes.

Shqipëria drejton nesër mbledhjen e Këshillit të Sigurimit të OKB-së ku në fokus do jetë Ukraina. Një ditë para mbledhjes, kryeministri Rama thotë se shpreson që bota do të dënojë luftën për t’i lënë vendin nisjes së procesit të paqes.

Njoftim në celular për gjobat e policisë rrugore, Balla: Do të bëhet nga e-Albania

Drejtuesit e automjeteve që do te ndëshkohen nga policia rrugore do të njoftohen me mesazh në celular për shkeljen dhe masën e gjobës. Ministri i Brendshëm Taulant Balla thotë njoftimi do të bëhet përmes platformws e-Albania.

Ish -luftetari i UÇK, Dritan Goxhaj do të ekstradohet. Avokatët: Gjykata e Tiranës shkeli hapur kushtetutën

Gjykata e Tiranës vendos të ekstradojë drejt Hagës ish-luftëtarin e UÇK-së, Dritan Goxhaj. Avokatët e tij paraqitën dokumente që sipas tyre provojnë se vendimi është i paligjshëm duke akuzuar gjykatën se shkeli Kushtetutën.

35% më shumë të huaj në hotele në Korrik. Rritet me 42% numri i netëqëndrimeve

Bumi turistik që përjetoi vendi konfirmohet edhe nga numri u të huajve që janë akomoduar në hotele. Sipas INSTAT numri i vizitorëve në njësitë akomoduese në muajin korrik u rrit me 35%, ndërsa netët e qëndrimit me 42%.

BE dhe SHBA reagojnë kundër Albin Kurtit: Akuzat e tij ndaj Lajçak, të pabaza

Bashkimi Europian dhe Shtetet e Bashkuara të Amerikës reagojnë ashpër ndaj akuzave që kryeministri i Kosovës Albin Kurti bëri kundër Miroslav Lajçak. Ata thonë se ato janë të pabaza dhe se emisari i BE ka mbështetje të plotë.   

Finalet e europianit u-17 në Shqipëri? FSHF pret vendimin e UEFA-s me 26 shtator.

Federata Shqiptare e Futbollit është optimiste se qeveria europiane e futbollit do të miratojë kandidaturën e Shqipërisë për organizimin e kampionatit europian të futbollit për 17 vjeçarët pwr vitin 2025. Vendimi i UEFA-s jepet më 26 shtator

/tvklan.al