Spiker: Drini Zeqo

Headlines, 19 Tetor 2024

Kthehen në Itali 12 emigrantët e Gjadrit, Meloni akuza gjykatës: Vendet e sigurta me ligj

Kthehen në Itali 12 emigrantët e kampit të Gjadrit, pas vendimit të gjykatës së Romës. Qeveria italiane paralajmëroi një ligj të ri për caktimin e shteteve të sigurta dhe cilëson vendimin e gjyqësorit të politizuar. Javën e ardhshme pritet të mbërrijë një tjetër grup emigrantësh.

Rama: Bashkimi me Europën realitet brenda dekadës, reforma në drejtësi goditi njerës me pushtet

Kryeministri Rama shpreh bindjen se bashkimi i Shqipërisë me Europën do të jetë realitet brenda dekadës dhe se për vendin nuk ka rrugë tjetër veç Brukselit. Në podkastin e përjavshëm ai tha se reforma në drejtësi goditi njerëz me pushtet.

Moody`s përmirëson vlerësimin për Shqipërinë, e ndryshon në “BA3” me prespektivë të qëndrueshme

Moody’s rrit vlerësimin per Shqipërinë nga B1 ne BA3 me perspektivë të qëndrueshme. Sipas agjencisë së vlerësimit të aftësisë kredituese, ndryshimi është pasoje e forcimit të vazhdueshëm të kapaciteteve ekonomike dhe fiskale.

Vaksina e gripit nis të aplikohet më herët, ekspertët: Jep imunitet për grupet e riskuara

Vaksina e gripit nis të aplikohet më herët këtë vit. Në qendrat shëndetësore në mbarë vendin janë shpërndarë mbi 280 mijë doza. Ekspertët thonë se aplikimi i hershëm ndihmon grupet e riskuara në forcimin e imunitetit.

Hezbollahu godet me dron shtëpinë e Netanyahut, sulmet izraelite shkaktojnë viktima në Gaza dhe Liban

Hezbollahu godet me dron rezidencën e kryeministrit izraelit, por pa shkaktuar viktima. Autoritetet thanë se Netanjahu dhe familja e tij nuk gjendeshin në ndërtesë. Ushtria izraelite vijon sulmet në Gaza e Liban, duke shkaktuar viktima të shumta.

Nesër maratona e Tiranës, marrin pjesë mbi 4 mijë garues nga e gjithë bota

Mbahet nesër në kryeqytet “Maratona e Tiranës”, një aktivitet që do të bëjë bashkë mbi 4 mijë vrapues nga e gjithë bota. Disa nga akset kryesore rrugore të qytetit do të jenë të bllokuara deri në mbyllje të garës.