#Lajme, #edicioniinformativ ora 19:30 data 20 Shtator 2023 #TvKlan #KlanLajme

Spiker: Reis Çiço

Headlines 20 Shtator 2023

Rama drejton KS të OKB, replika me ambasadorin rus: Ndalni luftën! Shqipëria përkrah paqen
Kryeministri Rama drejton Këshillin e Sigurimit të OKB-së në një seancë të posaçme me fokus Ukrainën ku nuk munguan replikat me ambasadorin rus. Rama i kërkoi Moskës të ndalë luftën duke u shprehur se Shqipëria ka zgjedhur paqen.

Rekrutuan shqiptarë për në Siri, 11 persona në SPAK. Dyshohen për terrorizëm
23 persona janë marrë të pandehur nga Prokuroria e Posaçme për nxitje dhe pjesëmarrje në organizata terroriste. Ata akuzohen se kanë rekrutuar qytetarë shqiptarë që të bëhen pjesë e luftës për xhihadin në Siri.

Travel of Path: Shqipëria, ndër 5 destinacionet për pushime të lira
Amerikania “Travel Of Path” u ka kushtuar një tjetër artikull mundësive turistike që ofron Shqipëria. Ajo e rendit vendin tonë si një ndër 5 destinacionet që për momentin ofrojnë çmimet më të lira për të kaluar pushimet

Rusia dhe Irani do të bashkëpunojnë në fushën ushtarake. Shoigu, në Teheran
Pavarësisht presionit të perëndimit, Rusia dhe Irani do të forcojnë bashkëpunimin e tyre, kryesisht në fushën ushtarake. Për këtë u ra dakord gjatë vizitës që ministri rus i Mbrojtjes Sergei Shoigu zhvilloi në Teheran.

Abakarov: Medalje në olimpiadë. Do të bëj gjithçka për ta fituar për Shqipërinë
Zelimkan Abakarov thotë se do të bëjë gjithçka për t’i sjellë Shqipërisë medaljen e parë nga lojërat olimpike që do të mbahen në Paris vitin tjetër. Mundësi me origjinë nga Dagestani i ka siguruar vendit tonë deri më tani 10 medalje.

1.2 mln euro për një skelet dinozauri. Me 20 tetor del në ankandin e Parisit.
Më 20 tetor në Paris zhvillohet një ankand i pazakontë, ai i shitjes së skeletit të një dinozauri qe ka jetuar 150 milionë vjet më parë. Skeleti është 80% prej kocke origjinale dhe vlera fillestare e shitjes llogaritet në 1.2 milionë euro.
/tvklan.al