Headlines, 20 Tetor 2024

Arrestohet ish-deputeti i PS, Jurgis Çyrbja. Tre akuza rëndojnë ndaj tij, rezulton përdorues i aplikacionit Sky

Arrestohet ish-deputeti i PS, Jurgis Çyrbja. Ai u mor nga SPAK i pandehur për shpërdorim detyre gjatë kohës qe drejtonte Hipotekën e Durresit. Vetë Çyrbja dorëzoi mandatin e deputetit para paraqitjes së akuzave.

Emigrantët/qeveria “Meloni”, gati ligjin për vendet e sigurta dhe shqyrtimin e azilit

Qeveria Meloni do të miratojë nesër një dekret urgjent që synon të zhbllokojë ngërçin e krijuar nga vendimi i Gjykatës së Romës për emigrantët. Nisma ripërcakton kriteret për vendet e sigurta, shtetasit e të cilave nuk kanë të drejtë të përfitojnë azil

Shmangen gjyqet/ qeveria, nisme për njohjen e viteve të punës në fshat dhe ish-ndërmarrjet shtetërore

Personat që kanë punuar në ish-ndërmarrjet shtetërore dhe ish-kooperativat nuk do të duhet të shkojnë më në gjyq për të njohur vitet e punës. Qeveria ka hedhur për konsultim publik një nismë ligjore ku përcakton kritere të reja për përfitimin e pensionit.

Turistët e vjeshtës zgjedhin Durrësin. Tërhiqen nga natyra, kultura dhe ofertat e lira

Durrësi mbetet i preferuar për turistët edhe gjatë vjeshtës. Ata e zgjedhin atë jo vetëm për detin dhe plazhin, por edhe për pasuritë kulturore dhe ofertat e mira. 55 mije persona vizituan Sazanin dhe Karaburunin ne 5 muaj

Problemet neurologjike katërfishohen në 2 vjet. Mjeket: 80 % e tyre janë ishemi dhe 20 % hemoragji

Në 2 vitet e fundit problemet neurologjike janë katërfishuar, teksa cdo ditë në spitalin Nënë Tereza paraqiten mesatarisht 10 persona me hemorragji cerebrale. Mjekët thonë se shkaku kryesor i tyre lidhet me problemet kardiovaskulare.

Plani sekret i hakmarrjes Izraelite “rrjedh” në publik. Tel Avivi beson se Teherani ka armë berthamore

Nga Uashingtoni kanë rrjedhur 2 dokumente shumë sekrete që lidhen me detajet e hakmarrjes së Izraelit ndaj Iranit për sulmin e 1 Tetorit. CNN shkruan se dokumentet pohojnë se Tel Avivi është i bindur se Teherani zotëron armë bërthamore.