#lajme, #edicioniinformativ ora 19:30 data 26 Dhjetor 2023 #TvKlan #KlanLajme

Spiker: Reis Çiço

Headlines 26 Dhjetor 2023

Hapet tuneli i Murrizit në rrugën e Arbrit. Rama: Vonesat nuk rënduan buxhetin.

Hapet nga të dyja anët tuneli i Murrizit në Rrugën e Arbrit duke bërë të mundur pas 4 vitesh bashkimin e dy kantiereve. Punimet i inspektoi kryeministri Rama që tha se zvarritja e projektit nuk ka shtuar kosto në buxhetin e shtetit.

Shtyhet për nesër vendimi për Berishën. SPAK kërkon mbikëqyrje policore dhe ndalin të komunikimeve.

Shtyhet për nesër vendimi për shtrëngimin e masës së sigurisë për Berishën. SPAK kërkoi që liderit te opozites t’i ndalohen komunikimet dhe që ai të qëndrojë nën mbikëqyrje policore, por avokatët e konsideruan hakmarrje dhe te pa mbështetur ne ligj.

Shuhet pas 12 orësh zjarri në qendren tregtare në Lushnje. Shkaqet të paqarta.

U deshën gati 12 orë që të shuhej zjarri masiv që përfshiu një qendër tregtare pasditen e së hënës në Lushnje. Dëmet janë të konsiderueshme ndërsa është ende e paqartë se cili ishte shkaku i zjarrit.

5 mijë Euro rryshfet për ndryshimin e një mase sigurie, 6 persona nën hetim.

5 mijë euro ryshfet për të ndryshuar një masë sigurie në gjykatë. Kjo tentativë në ish-Gjykatën e Apelit të Korçës ka çuar në pranga 6 persona. Ata u përpoqën të lironin një person të arrestuar për trafik klandestinësh.  

Rekord, Shqipëria kalon 10 milionë turistë të huaj. Kulmi në muajt e verës, spikatën Italianët.

Mbrëmja e krishtlindjes shënoi rekordin e ri të 10 milionë turistëve të huaj të ardhur në vendin tonë. Kulmi u arrit në verë ku spikatën italianët. Kryeministri Rama thotë se një shifër e tillë ishte e paimagjinueshme vetëm pak vite me parë.

FIFA kërcënon Brazilin: Zgjidhni Presidentin e Federatës ose rrezikoni pezullim nga aktivitetet.

Brazili rrezikon pezullimin nga aktivitetet futbollistike ndërkombëtare. FIFA e ka paralajmëruar federatën braziliane të zgjidhë ngërçin për zgjedhjen e presidentit të saj. Shkak është bërë një vendim i gjykatës që nuk e njeh Presidentin aktual.

/tvklan.al