#Lajme, #edicioniinformativ ora 19:30 data 28 Shtator 2023 #TvKlan #KlanLajme

Spiker: Reis Çiço

Headlines 28 Shtator 2023

Rama: BE të dënojë sulmin ndaj policisë së Kosovës. KFOR të marrë nën kontroll veriun.

Rama i kërkon BE të dënojë pa asnjë ekuivok sulmin nga grupi kriminal serb ndaj policisë së Kosovës dhe KFOR-it të marre nën kontroll veriun. Reagon Berisha që thotë se kryeministri kërkon të acarojë situatën, ndersa Vuçiç shprehet se Rama nuk thotë te verteten

Parlamenti i Kosovës, rezolutë për sulmin në veri: Duhet hetim nëdrkombëtar ndaj Serbisë.

Kuvendi i Kosovës miraton unanimisht një rezolutë për dënimin e sulmit terrorist në Zveçan, ku kërkohet edhe hetim ndërkombëtar për Serbinë. Kryeministri Kurti kërkoi që Beogradi të dorëzojë terroristët e strehuar në Serbi.

Anëtari i grupit të Lart Haxhiut zbardh 6 vrasje. 12 në pranga e 4 në kërkim për 18 ngjarje kriminale.

18 ngjarje kriminale, mes të cilave 6 vrasje të organizuara nga grupi i Laert Haxhiut janë zbardhur nga policia dhe prokuroria e Elbasanit. Ishte dëshmia e të penduarit Artan Tafani që çoi në pranga 12 persona ndërsa 4 të tjerë janë shpallur në kërkim.

Rriten të ardhurat në arkën e shtetit. 48.5 miliardë Lekë më shumë se në 2022.

425 miliardë lekë janë arkëtuar në buxhetin e shtetit në 8 muaj apo 48.5 miliardë lekë më shumë sesa e njëjta periudhë e një viti më parë. Ministria e Financave thotë se rritja vjen nga taksa mbi pagën, fitimet e bizneseve si dhe tatimi mbi të ardhurat.

Sektori i energjisë diellore rit punësimin në BE. 200 mijë vende të reja pune në 2023.

200 mijë punëtorë të rinj shtoi sektori i energjisë diellore në Bashkimin Europian në vitin 2022. Shumica e vendeve të reja të punës lidhen me vendosjen e sistemeve diellore ku vendin e parw e mbajnë Polonia, Spanja dhe Gjermania.

Kampionati Europian i Futbollit për U-17 në Shqipëri. UEFA nis në Nëntor inspektimet.

Organizmi i finaleve të europianit të 17-vjeçarëve në Shqipëri do të sjellin inspektorët e UEFA-s në nëntor në vendin tonë. Në Federatën e Futbollit thonë se ky organizim do të ketë ndikim jo vetëm në sport, por edhe në ekonomi dhe turizëm.

/tvklan.al