#lajme, #edicioniinformativ ora 19:30 data 3 Janar 2024 #TvKlan #KlanLajme

Spiker: Reis Çiço

Headlines 3 Janar 2024

Rama publikon spotin për turizmin: Shqipëria, gati për t’u zbuluar gjatë gjithë vitit 2024.

Kryeministri Edi Rama publikon spotin e ri për Shqipërinë turistike dhe fton të huajt ta vizitojne. Ai thotë se vendi ynë është gati për t’u zbuluar gjatë gjithë 2024 me të gjitha bukuritë dhe traditat e tij, sa te vjetra aq edhe te gjalla. 

Përfundojnë 65% e punimeve për aksin Thumanë-Kashar. Balluku: Gati në verë.

Përfundojnë 65 për qind e punimeve të aksit të ri rrugor Thumanë-Kashar. Zëvendëskryeministrja Belinda Balluku thote se kjo rrugë që do i shërbejë edhe zhvillimit të turizmit do jetë gati per makinat në verë.

Ish-kryeministri Berisha kërkon lirinë në Apel. Berisha: Nuk ka prokur që të më ndalë lirinë e shprehjes

Sali Berisha kërkon lirinë në Gjykatën e Posaçme të Apelit. Përmes 2 avokatëve të tij lideri i opozitës ka ankimuar vendimin e shkallës së parë që e la atë në “arrest shtepie”. Berisha u flet mbështetësve nga dritarja e baneses dhe shprehet se nuk ka prokuror qe i ndal lirinë e shprehjes.

Vrasesi i Ardian Nikulajt dërgohet në burgun e Reç-it. Saraiva, në paraburgim nën masa të shtuara sigurie.

Portugezi, Ruben Saraiva, i dyshuar si autor i vrasjes së biznesmenit Ardian Nikulaj është dërguar në burgun e Reçit në Shkodër. Burime bëjnë të ditur se per shkak te çështjes ai po mbahet në monitorim nën masa të forta sigurie.

Përfundojnë festat, largohen sërish emigrantët. Fluks i shtuar në pikat e kalimit kufitar.

Përfundimi i festimeve për vitin e ri ka sjellë sërish largimin e emigrantëve shqiptarë drejt vendeve të tyre të banimit. Në të gjitha pikat kufitare vihet re një fluks i lartë qytetarësh që largohen, por deri më tani nuk ka pasur radhë dhe vonesa.

Shqipëria pajiset me 2 helikopterë “black hawk”. do sherbejne per misione taktike dhe emergjencat civile

Ushtria shqiptare do të pajiset brenda Janarit me dy helikopterë amerikan Back Hawk”. Ministria e Mbrojtjes sqaron se ato do të përdoren në misione taktike dhe operacionet e emergjencave civile për më shumë efikasitet dhe siguri.

103 viktima dhe 141 të plagosur nga shpërthimi i dy bombave në Iran. Tehrani: Sulm terrorist

Ceremonia e përvjetorit te vdekjes se gjeneralit Kasem Solejmani është kthyer ne nje tragjedi ne Iran. Dy bomba shpërthyen pranë varrezës ne Kerman, duke shkaktuar te paktën 103 te vdekur dhe 141 te plagosur. Tehrani e cilëson si sulm terrorist./tvklan.al