Lajme, #edicioniinformativ ora 19:30 data 30 Tetor 2024 #TvKlan #klanlajme

Spiker: Drini Zeqo

Headlines 30 Tetor 2024
Atentat në Shkodër, 2 të vrarë dhe 2 të plagosur. Ekzekutohet vëllai i Ibrahim Licit, viktimë edhe një qytetare
Shkodra tronditet nga një atentat që shkaktoi 2 te vrarë dhe 2 të plagosur. Shënjestër ishin Hamza Lici dhe Arlind Bushati, qe u qëlluan teksa udhëtonin me makinë. Në përpjekje për të shpëtuar makina e tyre goditi dy persona, një prej cilëve humbi jetën.

Progres-raporti i KE për Shqipërine: Mbeshtesim objektivin për të mbylluar negociatat brenda 2027
Komisioni Europian publikon nesër Progres Raportin për Shqipërinë. Ne dokumentin e siguruar nga Klan, Brukseli shprehet se mbështet objektivin për mbylljen e negociatave brenda 2027-ës dhe vlerëson se vendi ka vullnet për të përmbyllur reformat e anëtarësimit.

Rama: Gropa e pensioneve, për shkak të bizneseve. Prokuroria s’ka bërë asgjë për denoncimet për evazion
Kryeministri Edi Rama thotë se gropa e krijuar në fondin e sigurimeve shoqërore është pasojë e evazionit fiskal të kryer nga biznese të shumta dhe kritikon prokurorinë se s’ka bërë asgjë për denoncimet për evazion fiskal.

Shqipëria rikthen rezervistet në janar 2024. Vëngu: Detyrim që buron nga NATO
Shqipëria do të rikthejë pas dy dekadash Forcën Rezerviste. Ministri i Mbrojtjes, Pirro Vengu njoftoi se rekrutimet do të nisin në janar të vitit 2025, si një detyrim që buron nga NATO. Fatura financiare arrin në 15.5 milionë euro.

Rivlëresimi i pasurive, ngërç në tregun imobiliar. Narea: Moskryerja e procesit por rrit informalitetin
Moskryerja e procesit te rivlerësimit të banesave shkakton ngërç në tregun imobiliar. Shoqata Kombëtare e Ndërmjetësve të Pasurive të Paluajtshme jep alarmin për ngrirje të transaksioneve dhe rritje të informalitetit.

Përmbytje apokaliptike në lindje të Spanjës. 62 viktima e shumë të zhdukur në Valencia
Përmbytje apokaliptike ne Valencia te Spanjës. Autoritetet njoftuan vdekjen e 72 personave, por bilanci pritet te rritet për shkak të numrit të lartë të të zhdukurve. Demet materiale janë të konsiderueshme, me shtëpi e rruge të shkatërruara.

Liga e kombeve, shiten të gjitha biletat për ndeshjen e Shqipërise me Çekinë
“Air Albania” do të jetë tërësisht i mbushur me tifozë për ndeshjen që Shqipëria do të luajë më 16 nëntor kundër Çekise për Ligën e Kombeve, pasi te gjitha biletat janë shitur. Sfida do te transmetohet drejtpërdrejt në Televizionin Klan.