#lajme, #edicioniinformativ ora 19:30 data 5 Janar 2024 #TvKlan #KlanLajme

Spiker: Reis Çiço

Headlines 5 Janar 2024

Agjentët e policisë në banesën e Berishës. Verifiim për zbatimin e masës së sigurisë.

Për herë të parë oficerët e Policisë Gjyqësore kryen paraditen e sotme një kontroll në shtëpinë e ish-kryeministrit Sali Berisha për të verifikuar nëse ai po zbaton masën e sigurisë të vendosur nga gjykata e posaçme.

Dan Hutra, drejt mbylljes në 41Bis. Preu hekurat me sharrë të improvizuar.

Dan Hutra, i arrestuar për vrasjen e 3 grave dhe plagosjen e 3 të tjerave do të mbyllet në regjimin e posaçëm 41-BIS. Vendimi erdhi pas zbulimit të tentativës së arratisjes nga burgu i Fierit duke prerë hekurat e dritares me sharrë të improvizuar.  

MF: Brenda këtij viti paga mesatare arrin në 900 Euro. Ekonomia do të vijojë rritjen.

Brenda vitit 2024 paga mesatare në sektorin publik do të arrijë në 900 euro. Ministri i Financave dhe Ekonomisë, Ervin Mete tha se pritet një rritje ekonomike për shkak të performancës së mirë të turizmit, energjisë dhe ndërtimit.

‘’The Mirror’’: Këtë vit vizitoni Shqipërinë! Destinacion piktoresk, miqësor dhe me leverdi.

Edhe mediat britanike i kanë bërë jehonë turizmit shqiptar në këtë fillimviti. Tabloidi “The Mirrër” e ka renditur vendin tonë të parin në një listë sugjerimesh duke e konsideruar si një vend piktoresk, miqësor dhe me leverdi.

Izraeli zbulon planin për Gazën. Siguria në dorë të Tel Avivit, qeverisja pelestinezëve.

Izraeli publikon planin për Rripin e Gazës pas përfundimit të sulmit kundër Hamasit. Plani parashikon që Izraeli të jetë përgjegjës për sigurinë, ndërsa qeverisja vendore do të lihet në duart e palestinezëve.

Ekipi ideal i 2023. Është Lionel Messi por mungon Christiano Ronaldo.

Federata Ndërkombëtare e Statistikave në Futboll shpall ekipin më të mirë për vitin 2023. Ajo që bie në sy është se në formacion mungon Kristiano Ronaldo ndërsa pjesë e tij janë Lionel Mesi, Kilian Mbape dhe Xhud Bellingam.

/tvklan.al