#lajme, #edicioniinformativ ora 19:30 data 6 Janar 2024 #TvKlan #KlanLajme

Spiker: Redi Prifti

Headlines 6 Janar 2023

Vetëvrasja e 41-vjeçares, arrestohet bashkëshorti. E kërcënoi me thikë në sy të fëmijës, vëllai: Ai e vrau.

Merr tjetër rrjedhë historia e vetëvrasjes së 41-vjeçares nga Sukthi për të cilën fillimisht u tha se shkak u bë TikTok. Policia arrestoi bashkëshortin e saj të dyshuar se shtyu nënën e 4 fëmijëve drejt aktit ekstrem. Akuza për të bën edhe vëllai i viktimës.

ABTA: Shqipëria, mes 10 destinacioneve të vitit 2024. Kumbaro: Tashmë synojmë turizmin elitar.

Shqipëria renditet ndër 10 destinacionet që duhen vizituar në vitin 2024 nga ABTA, një nga shoqatat më të mëdha turistike dhe me më shumë traditë në Britaninë e Madhe. Ministrja Kumbaro thotë se në 2024-n do synohet turizmi elitar.

Ahmetaj humb mandatin e deputetit. Vendin e tij pritet ta zërë Plarent Ndreca.

Ish-zëvendëskryeministri Arben Ahmetaj humb mandatin e deputetit pasi sot mbushi 6 muaj mungesë në parlament.

Tv Klan mëson se vendin e tij do ta zërë Plarent Ndreca pasi Dallëndyshe Bici nuk do ta pranojë mandatin.

Kryesia e PD mblidhet pa Sali Berishën. Noka: Është i burgosur politik, betejë pa kthim.

Partia Demokratike që drejtohet nga Sali Berisha mblodhi sot kryesinë e saj për herë të parë që pas vendimit të Gjykatës që e la atë në “arrest shtëpie”. Flamur Noka që drejtoi mbledhjen tha se ndalimi i Berishës është akt politik.

Avionit i bie dera në fluturim. Rrezikohet jeta e 177 pasagjerëve.

Rënia në fluturim e derës së emergjencës së një avioni në Shtetet e Bashkuara rrezikoi jetën e 177 personave që ndodheshin në bord.  Avioni Boing kreu ulje të detyruar në aeroportin nga u nis duke shmangur një tragjedi të mundshme.

Besimtarët ortodoksë fetojnë ‘’Ujin e Bekuar’’. Sfide me të ftohtin për kapjen e kryqit në ujë.

Besimtarët ortodoksë kremtuan sot ditën e ujit të bekuar. Ishin të shumtë ata që sfiduan temperaturat e ulëta dhe u futen në ujë për të kapur kryqin. 6 janari simbolizon pagëzimin e Jezu Krishtit. 

/tvklan.al