#lajme, #edicioniinformativ ora 22:55 data 7 Janar 2024 #TvKlan #KlanLajme

Spiker: Reis Çiço

Headlines 7 Janar 2024
Vrasje me armë zjarri në Vlorë, humb jetën një 22-vjeçar.

Dhunuan shqiptarët në Malin e Zi, 5 të arrestuar dhe 2 në kërkim. Të rinjtë: U goditëm pa shkak.

5 prej autorëve të dhunimit të 3 të rinjve shqiptarë në Mal të Zi janë arrestuar, ndërsa 2 të tjerë janë ende në kërkim. Policia malazeze thotë se shkak i ngjarjes është bërë një incident rrugor, ndërsa të rinjtë kanë rrëfyer se janë goditur pa asnjë shkak.

Vetëvrasja e 41-vjeçares, bashkëshorti mohon akuzat para policisë: Nuk e kam kërcënuar.

I ka mohuar të gjitha akuzat bashkëshorti i 41-vjeçares nga Sukthi që u vetëvra pak ditë më parë. Para hetuesve ai tha se nuk e ka kërcënuar nënën e 4 fëmijëve dhe se sherret që kanë pasur kanë qenë të zakonshme si për çdo familje.

ANSA: Shqipëria, një nga 10 destinacionet e 2024.do të mbetet trend udhëtimesh edhe këtë vit.

Agjencia italiane e lajmeve ANSA e rendit Shqipërinë mes 10 destinacioneve që duhen vizituar në 2024-ën. Ajo thotë se edhe këtë vit vendi ynë është në vendet e para të prenotimeve të italianëve për pushime në verë.

Euro fuqizohet ndaj lekut pas festave. BSH planifikon 20 ankande për të blerë 330 mln €.

Monedhat e huaja fuqizohen në raport me lekun duke fituar ndjeshëm pikë në javën e parë të 2024. Banka e Shqipërisë, për efekt të rezervës së saj valutore ka planifikuar të përthithë nga tregu 330 milionë euro përmes 20 ankandeve.

Charls Michel do të largohet nga kreu i Këshllit Europian. Në vend të tij do emërohet Orban?

Charles Michel do të largohet para kohe nga posti i Presidentit të Këshillit Europian. Nëse liderët europian nuk arrijnë konsensus per pasuesin e tij, atëherë Këshilli mund të drejtohet nga kryeministri hungarez Viktor Orban.

PSG nën hetim,në 2021 ndikoi që topin e arte ta merrte Messi.

PSG dyshohet se ndikoi që argjentinasi Lionel Mesi të merrte Topin e Artë në vitin 2021. Mediat franceze shkruajnë se nën hetim janë drejtori i atëhershëm i revistës “Franc Futboll” dhe ai i komunikimit te klubi francez.

/tvklan.al