Lajme Arkiva – Tv Klan 2000

Ministri i Ekonomisë dhe Privatizimit Mustafa Muçi, ka hedhur poshtë pretendimet e demokratëve për privatizimin me vlera minimale të sektorëve strategjikë. Para parlamentit ministri Muçi tha, se të gjitha kompanitë që kanë përfituar me ankand uzinat dhe fabrikat në procesin e privatizimit, po e realizojnë në kohë procesin e investimeve.

Pronarët e rinj të Metalurgjikut në Elbasan, firma turke Kurum, ka investuar deri tani 3.27 milion dollarë tha Muçi. Ndërsa firma franceze, që ka privatizuar uzinën e Superfosfatit në Laç, brenda vitit do të investojë një million dollarë. Po ushtrojmë kontroll mbi cilësinë e makinerive dhe pajisjeve, përfundoi ministri Muçi.

Pas interpelacës me ministrin Muçi, deputetët vendosën datën 24 Korrik, debatin për krijimin e ministrisë së re të ambientit dhe burimeve natyrore./tvklan.al

Gazetar – Vladimir Lame