Stop Tv Klan | Një format satiro-investigativ nga Saimir Kodra & Gentian Zenelaj.

Shikoni, se çfarë bën gruaja kur përton të lajë enët!

Një qen i bie borisë së makinës, për të alarmuar të zotin, që e ka harruar në makinë.Qeni nuk ndalet, derisa i zoti shkon dhe e merr nga automjeti. Një grua ka gjetur një zgjidhje ideale për enët e palara, që kanë mbushur lavamanin. Ajo ka marrë një imitim lavamani prej letre, duke e vënë mbi enë e duke e bërë të duket lavamani xixë.

“S’e ka pjellë jot ëmë, b*çe”, i vdes partneri familja pengon çregjistrimin

Emisioni “Stop”  është në Lushnje për problemin e një zonje, e cila thotë se bashkëjetuesi i saj ka ndërruar jetë, por prej 2 vjetësh nuk po mundet ta çregjistrojë. Partneri i zonjës jetonte jashtë Shqipërisë dhe është varrosur në Krutje të Lushnjës. Pengesë, që i ndjeri nuk çregjistrohet, janë bërë të afërmit e tij dhe punonjësi i gjendjes civile, nuk vepron pa miratimin e tyre.

“Kam jetuar me bashkëshortin tim në Gjermani, kemi një djalë të përbashkët. Martesë nuk kemi, por kemi jetuar bashkë me vite dhe ka ndërruar jetë në Gjermani më 8 Maj 2022. Jam munduar gjithë kohën me familjarët që ta çregjistrojmë bashkëshortin tim. Mirëpo familjarët nuk pranojnë sepse nuk kemi bërë martesë edhe ata të komunës nuk pranojnë dhe më thanë gjithmonë që unë nuk jam e martuar dhe nuk më takon. Mirëpo djali i përbashkët, unë kam të drejtë se kam të drejtën e djalit tim dhe kam të drejtën ta kërkoj certifikatën e vdekjes, por nuk ma japin dhe për këtë arsye erdha këtu e ju kërkova ndihmë sepse nuk di më se çfarë të bëj më tepër. Asnjë prej familjarëve nuk pranon për çregjistrimin dhe nuk duan që unë ta bëj,” tha denoncuesja.

Gazetarja: Ndërkohë djali juaj është në trungun familjar të të atit, apo jo?

Denoncuesja: Aty kemi regjistrimin ne të dy dhe banimin. Aty banojmë deh sa herë që shkojmë atje që bëjmë debate për këtë gjë mua më thonë dil nga shtëpia se nuk të qasim në shtëpi.

Stop i drejtohet Njësisë Administrative Krutje dhe Raqi, punonjësi i kësaj zyre thotë se ka edhe persona, që kanë ndërruar jetë prej 50 vjetësh e nuk janë çregjistruar.

Denoncuesja: Kam ardhur herë të tjera këtu, për të çregjistruar bashkëshortin.

Asistentja: Ta dimë, ça dokumentesh duhen, që të bëhet çregjistrimi.

Gjendja Civile: Duhet të jetë në dijeni dhe familja, që po bëhet çregjistrimi i djalit, i vëllait të asaj familje.

Asistentja: Ça dokumentesh duhen pra, që ta dimë?

Gjendja Civile: Certifikata e vdekjes, që andej me vulë apostile! Atëherë vdekjen e bëjnë të afërmit e familjarit, të viktimës dhe ata duhet të jenë në dijeni dhe unë i kam vënë në dijeni dhe ata më thanë, po qe se vjen personi, na njofto neve, që të vijmë edhe ne, sepse ti nuk je e martuar, e celebruar me atë. Kam pyetur unë edhe në drejtori edhe më kanë thënë, që duhet të vësh në dijeni familjarët. Familjarët më kanë thënë, që pa të dhënë Ok familja, mos e bëj.

Asistentja: A është e ligjshme kjo, që 2-vjet që i ndjeri ekziston akoma?

Gjendja Civile: Ka edhe 20-vjet dhe 15-vjet.

Asistentja: A është e ligjshme?

Gjendja Civile: Ka edhe 50-vjet të pa çregjistruar.

Asistentja: Është e ligjshme?

Gjendja Civile: S’është e ligjshme.

Pasi zonja denoncuese dorëzon të gjitha dokumentet e kërkuara, ajo përplaset në zyrën e gjendjeve civile me familjen e partnerit të ndjerë, me të cilin ka edhe një djalë. Familjarët e partnerit e shajnë dhe e fyejnë, duke kërcënuar atë dhe punonjësin e gjendjes civile.

Asistentja: Thjesht ne kemi ardhur për të bërë atë çregjistrimin.

Gjendja Civile: T’i njoftoj unë ata?

Asistentja: Po!

Gjendja Civile: (Flet në telefon me familjarët) Atëherë kanë ardhur këto personat këtu me këto dokumentet, për të bërë atë regjistrimin e vdekjes. Hajde bashkë me Melindën këtu, se nuk bëhen muhabetet në telefon! Po kjo s’paska as emër nëne, as emër babe, më çupe. Të dhënat e Mxxx.

Familjarët: Mos e ka pjellë gjë jot ëmë Mxxxx? Jot ëmë e ka pjellë Mxxxx?

Denoncuesja: Është babai i djalit tim.

Familjarët: Është babai i djalit, por s’është asgjë i joti.

Denoncuesja: Ky është i imi, i fëmijës tim.

Familjarët: Nuk është.

(Fillojnë debatet) – Nuk kuptohen fjalët

Familjarët: Se s’më do qejfi. Dale një çikë. Kur janë të tuat, ato, pse e kam unë këtë? Pse më kanë dalë mu këto? Buçe! Ku ishe? Ku brodhe? Buçe e m*tit! Yyyy…

Familjari: Për atë muhabet, që kemi ardhur, ti ke thënë, që mund ta bëjmë edhe pas 7-vjetësh dhe mbas 10-vjetësh.

Asistentja: A të bëj një pyetje? Pyetje injorante!

Gjendja Civile: Unë po flas, ti më ndërhyn. Moj po flas! Të lutem!

Asistentja: Atëherë mos ma ngri zërin! Ç’është ky reagim, që bëni ju ndaj meje?

Gjendja Civile: Shshsh…!

Asistentja: Me ç’të drejtë?

Gjendja Civile: Lexoje këtë këtu! Për kryerjen e veprimeve, zyra e gjendjes civile pranon vetëm akte ose dokumente origjinale. Vajti, mori vulën në ambasadën tonë dhe në Ministrinë e Jashtme. Ishte gati, për t’u bërë çregjistrimi.

Asistentja: Po!

Gjendja Civile: I thashë do njoftoj familjarët, sepse njoftova familjarët dhe më thanë jo, derisa të vijmë ne. Tani jam duke bërë veprimet . Do t’i bëj! Ti shko rregulloje! Vëri emrin këtu, ja Mxxxx, mbiemrin vërja Lxxxxx!

Asistentja: Ok!

Stop ka shkuar sërish në Gjendjen Civile të Krutjes për të sqaruar deri në fund detajet e kësaj çështjeje.

Gjendja Civile: Lajmërimi i vdekjes bëhet nga çdo pjesëtar madhor i familjes. Kjo nuk është në trungun familjar. Nuk është e regjistruar në Gjendjen Civile.

Gazetarja: Bashkëjetesa nuk është sot e ndaluar.

Gjendja Civile: Kush po ta mohon. Është bashkëjetuese, ka a s’ka kontratë e dinë ata se bashkëjetesa bëhet me deklaratë tek noteri.

Gazetarja: Çfarë ndodh në ato raste kur nuk ka asnjë pjesëtar të familjes? Kush e çregjistron atë njeriun kur nuk ka asnjë familjar?

Gjendja Civile: Ata ishin dakord për ta bërë, por kur shikoj këtu (dokument) kishte një gabim në emri dhe mbiemri. U dhashë ndryshojeni dhe hajde ta bëjmë.

Punonjësi i Gjendjes Civile refuzon përsëri që të japë certifikatën e çregjistrimit. Me anë të një kamere të fshehtë denoncuesja bisedon përsëri me atë duke kërkuar çregjistruar bashkëjetuesin e saj të ndjerë.

Denoncuesja: Të ishte ajo nënë, do e kishte bërë atë punë.

E ëma e të ndjerit: Po ta them dhe njëherë, do e kesh keq me mua, kaq po të them, fshatarë jemi.

Gjendja Civile: Thjeshtë do të bëhet çregjistrimi, nuk do të mbahet as akt, asgjë.

E ëma e të ndjerit: Raq, mos bëj asnjë veprim!

Gjendja Civile: Okej, bëni ça të doni!

Të gjendur në këto kushte Stop i është drejtuar Drejtorisë të Përgjithshme të Gjendjes Civile në Ministrinë e Brendshme për të kërkuar një zgjidhje për sa i përket çregjistrimit të të ndjerit dhe një masë ndaj punonjësit të Gjendjes Civile.

Blen makinë, i shfaqet një gjobë në Maliq pa qenë kurrë e para blerjes

Fejzi Shkemza me banim në Shkodër, tregon, se ka blerë një automjet në Korçë, por nuk e po e lenë ta gëzojë. Makinën e ka blerë në tetor me kontratë dhe i ka ndryshuar pronësinë në nëntor 2023. Fejziu thotë, se në janar 2024 i vjen një gjobë, që ka marrë në Maliq, por në Maliq nuk ka qenë kurrë.

Fejzi Shkemza, denoncuesi: Unë fillimisht kam kontaktuar me personin e makinës që e kam parë në internet, kam shkuar drejt Korçës direkt. Kam rënë në ujdi me personin për çmimin e për të gjitha dhe e kam blerë makinë. Kam paguar paratë dhe kam shkuar tek DPSHTRR-ja Korçë, aty kam bërë gjithë dokumentacionin dhe ishte çdo gjë në rregull. Makinën e kam blerë më 20 tetor në Korçë.

Gjoba e ngarkuar në janar 2024 ka vlerën 300 mijë lekë të vjetra dhe është shoqëruar edhe me heqjen e 3 pikëve në patentë. Ajo mban datën 10 korrik 2023, datë kur Fejzi Shkemza nuk e kishte atë makinë dhe ka qenë në Shkodër. Fejziu i është drejtuar Policisë së Korçës, ku i kanë pohuar, se gjoba është marrë në korrik 2023, por pa i dhënë zgjidhje, për t’ia hequr ndëshkimin nga emri i tij.

Denoncuesi: Gjoba me sa ka dalë në kompjuter është marrë në Maliq të Korçës më datën 10 korrik 2023 në orë 16:50. Unë kam qenë në shtëpi, në Shkodër, makina nuk ka qenë e imja. Makina u bë në pronësinë time më 2 nëntor. Më thanë që duhet të lidhesh me Drejtorinë Rajonale të Korçës për të bërë kërkesë me shkrim. Bëra kërkesën me shkrim prita një muaj dhe më erdhi një përgjigje. Thuhej që gjoba është marrë më 10 korrik 2023. Unë jam dakord që mund të jetë marrë gjoba, s’është se nuk është marrë gjoba por, nuk ka qenë makina në pronësinë time. Atëherë më kthyen përgjigjen e parë, prita pak ditë më thanë bëj edhe një të dytë. Mund të ketë dy muaj e gjysmë kërkesa e dytë dhe nuk kam marrë përgjigje akoma. Atëherë u detyrova kur nuk kishte zgjidhje nga shteti, erdha tek Stop-i.     

Stop ka siguruar kontratën e shit-blerjes së makinës në 18 tetor 2023, pas së cilës është prodhuar dhe leja e re e qarkullimit në nëntor 2023. Eksperti Artur Sulçe duke analizuar rastin, thotë, se përveçse nuk respektohet Kodi Rrugor, edhe mundësia për t’u paguar ½ e shumës, nuk lejohet, pasi gjoba është hedhur jashtë afateve. Kjo gjobë, thotë Sulçe, duhet të hidhej në emër të pronarit të vjetër të makinës.

Artur Sulçe, ekspert: Hedhja me vonesë humbet edhe atë të drejtë që ka ai që është gjobitur, përdoruesi i këtij mjeti që të zbatohet edhe ato rregullat e Kodit Rrugor, që nëse ju e paguani brenda 15 ditëve, paguani gjysmë e atij penaliteti për shkeljen që keni bërë. Nuk ka arsye që t’i jepet pronarit tjetër kjo lloj gjobe. Ajo mund të ishte në sistem e gjitha meqë po vihej pas 6 muajsh e t’i vendosej pronarit të vjetër. Në kushte normale të këndvështrimit tim duhet patjetër që ai komisioni i gjobave, penaliteteve kur hidhen kështu, ai komisionin mund ta zhbëjë me një vendim dhe t’ia kaloj pronarit të parë.

/tvklan.al