Euro 2024 Ndeshja nisi spektakolare që në fillim, me raste të shumta në të dyja portat. Shqipëria regjistroi mundësin e parë të rrezikshme pas vetëm 2 minutave lojë, me një gjujatje të Qazim Laçit nga jashtë zone, e cila u ndal nga portieri.
Gjashtë minuta më vonë, ishte Ismajli që provoi me kokë, pas një skeme nga goditja e dënimit, por gjuajtja nuk kishte koordinatat e duhura.
Në minutën e 11-të, Strakosha bëri një pritje të shkëlqyer, për t’i mohuar avantazhin Davitashvili. Tuci ishte i pafat 3 minuta më vonë, kur pa gjuajtjen e tij të ndalej nga Mamardashvili. Minutat e mbetura ishin më të qetë dhe fraksioni i parë u mbyll me rrjeta të paprekura.
Pjesa e dytë nisi menjëherë me gol për Shqipërinë. Në minutën e 48-të, Kristjan Asllani pas një kombinimi me Tucin, ia doli ta dërgojë topin në rrjetë me një gjuajtje të fortë.
Ky gol i dha besim Shqipërisë, që krijoi edhe disa raste të tjera, me Bajramin dy herë dhe me Dakun, por topi nuk shkoi në rrjetë. Në minutat e fundit, Gjeorgjia shtoi presionin, por Ajeti dhe Strakosha mbajtën portën të paprekur në dy raste.
Gjeorgji-Shqipëri, pjesa e dytë
95‘- Mbyllet ndeshja.
92’- Ndërhyrje vendimtare e Ajetit, që shpëton një gol thuajse të sigurt.
90‘- Akordohen 5 minuta shtesë.
88’- Gjuan Kvaratskhelia nga faulli, por ndal Seferi me kokë, i vendosur në murin mbrojtës.
80’- Kundërsulm i Shqipërisë me Seferin, i cili gjuan, por topi devijohet dhe shkon lehtësisht në duart e portierit.
77’- Zëvendësimi i dytë te Shqipëria. Bajrami i lë vendin Seferit.
75’- Tjetër rast i mirë për Shqipërinë. Bajrami rikuperon në top në hyrje në zonë, por gjuajtja shkon lehtë në duart e Mamardashvili.
71’- Super Strakosha dhe Ismajli, që i mohojnë golin në dy raste sulmuesit Mikautadze.
69’- Krosim i shkëlqyer i Asllanit për Dakun në zonë, me kokë sulmuesi gjuan jashtë, duke humbur një rast të mirë për të dyfishuar.
66’- Zëvendësimi i parë te Shqipëria, Daku merr vendin e Tucit.
64’- Shpëton porta e Shqipërisë, gjuajtja e Zivzivadze me kokë nuk ka koordinatat e duhura dhe shkon jashtë.
57’- Shqipëria i afrohet golit të dytë. Pas një pasimi të marrë nga Asani në zonë, Bajrami gjuan direkt, por topi shkoi ngjitur me tranversën. Futbollisti i Shqipërisë nuk i beson syve.
48’- Gooool Shqipëria 0-1! Zhbllokohet sfida në Tbilisi. Bajrami shpërthen nga e majta dhe pason te Tuci, i cili bën spondin për Asllanin, me mesfushorin që lëshon një gjuajtje të fortë dhe e ndal topin në rrjetë.
45‘- Starton pjesa e dytë.
Gjeorgji-Shqipëri, pjesa e parë
Mbyllet pjesa e parë.
46’- Davitashvili provon me një gjuajtje të fortë nga jashtë zone, pret Strakosha.
45’- Ismajli mbyll një aksion shumë të rrezikshëm të Kvaratskelia-s, pasi kaloi Balliun dhe Asanin.
44’- Davitashvili shpërdoron një mundësi shumë të mirë për Gjeorgjinë, duke mos gjuajtur si duhet.
40’- Minuta të mira për Gjeorgjinë, që provon të rrezikojë me Kvaratskhelia-n, por e mbyll Ramadani në dy raste.
30’- Gabim i Strakoshës me këmbë, që e dërgon topin te Mikautadze. Mbyll Arlind Ajeti në momentin e fundit.
27’– Laçi kërkon Tucin në zonë, Dvali e devijon topin në goditje këndi.
26’– Krosim i rrezikshëm nga Ivan Balliu, por topi shkon në duart e portierit Mamardashvili.
21’- Minuta të qeta nga të dyja ekipet, që e kanë fokusuar lojën më shumë në mesfushë.
14’- Mundësia më e mirë për shënim te Shqipëria. Tuci merr një pasim të shkëlqyer në zonë nga Asani dhe provon me të djathtën, por pret Mamardashvili që shpëton portën e gjeorgjianëve.
13’- Predhë e Mikautadze në hyrje të zonës, topi tund rrjetën e jashtme. Shton sulmet Gjeorgjia.
11’- Pritje spektakolare nga Strakosha, që i mohon një gol të sigurt Davitashvili.
9’- Provon Asllani me të majtën në hyrje të zonës, por ndal njëri prej mbrojtësve.
8’- Goditje dënimi për Shqipërinë në afërsi të zonës gjeorgjiane, e fituar nga Kristjan Asllani. Skemë e mesfushorit, që kroson te Ismajli, i cili gjuan me kokë, por pret Mamardashvilli.
5’- Mundësi e artë shënimi për Gjeorgjinë. Zivzivadze gabon pranë vijës fatale duke gjuajtur mbi traun e portës.
2’- Vjen gjuajtja e parë në portë nga Shqipëria. Laçi provon nga distanca, pret Mamardashvili pa probleme.
0′- Starton sfida! Shqipëria për “hakmarrje” ndaj Gjeorgjisë.
Shqipëria rikthehet te fitorja, “hakmarrje” ndaj Gjeorgjisë
FORMACIONET ZYRTARE:
Gjeorgjia: Mamardashvili, Kakabadze, Dvali, Kashia, Lochoshvili, Kiteishvili, Davitashvili, Mikautazde, Chakvetazde, Kvaratskhelia, Zivzivadze
Shqipëria: Strakosha; Balliu, Ismajli, Ajeti, Mitaj; Asllani, Ramadani, Laçi; Bajrami, Asani, Tuci.
/tvklan.al