Euro 2024 Çeki-Shqipëri, pjesa e dytë
Mbyllet sfida!
91’- Hlozek i afrohet sërish golit, me gjuajtjen e tij që shkon mbi portën e Strakoshës.
90’- Akordohen 5 minuta shtesë.
88’- Tjetër mundësi e mirë për Çekinë. Gjuajtja e Hlozek shkon jashtë.
87’- Silvinjo hedh në fushë Ernest Muçin, në vendin e Nedim Bajramit.
81’- Predhë e Tucit nga jashtë zone, pret në dy kohë portieri Kovar.
80’- Zëvendësim tjetër te Shqipëria. Taulant Seferi merr vendin e Qazim Laçit.
76’- Pranë golit Shqipëria. Kristjan Asllani nuk i beson syve, teksa sheh gjuajtjen e tij nga jashtë zone, të ndalet mrekullisht nga portieri Kovar.
75’- Gabon gjithçka Mario Mitaj, që provon me një gjuajtje nga mesfusha, por është shumë e lehtë dhe shkon pa probleme te portieri Kovar.
69’- Zëvendësim te Çekia, Cerny i lë vendin Hlozek.
65’- Zëvendësim i dyfishtë te Shqipëria. Silvinjo hedh në fushë Indrit Tucin dhe Arbër Hoxhën, në vendin e Jasir Asanit dhe Mirlind Dakut.
63’- Gol Çekia 2-0! Sërish Chory, i cili në zonë nuk fal dhe shënon me kokë. Pas një krosimi nga Coufal, sulmuesi gjuan dhe e ndal topin në rrjetë.
52’- E pabesueshme çfarë ka humbur Jasir Asani. I vetëm me portierin, sulmuesi i Shqipërisë gjuan shumë keq, duke e dërguar topin mbi traun e portës. Aksion i gjatë i kuqezinjve, që nisi pas rikuperimit të topit nga Hysaj, por nuk u shfrytëzua si duhet.
50’- Shqipëria fiton goditjen e parë nga këndi, pas një kombinimi të Bajramit me Dakun. Kroson Bajrami, por largohet topi me kokë.
48’- Çekia e nis pjesën e dytë në sulm, në kërkim të golit të dytë.
45’- Nis pjesa e dytë e sfidës.
Çeki-Shqipëri, pjesa e parë
Mbyllet pjesa e parë.
45’- Akordohet 1 minutë shtesë.
44’- Ndëshkohet me karton të verdhë Mirlind Daku, për ndërhyrje te gabuar në mesfushë.
43’- Shpëton me fat Shqipëria. Chory shpërdoron një mundësi të artë afër portës së Strakoshës, duke gjuajtur mbi traun e portës.
42’- Mirlind Daku futet në zonë pas një inkursioni nga e majta. Mbyll mbrojtja çeke.
39’- Ndërhyrje vendimtare e Jasir Asanit, që i heq nga këmba topin sulmuesit Cerny në zonën e rreptësisë.
36’- Mundësi e artë e shpërdoruar nga Shqipëria. Qazim Laçi shfaqet i pambuluar në hyrje të zonës, mesfushori pason për Asllanin, por nuk kuptohet si duhet dhe topi shkon në duart e portierit.
35’- Vazhdojnë çekët me sulmet. Vitik nuk kontrollon si duhet një top të marrë në zonë.
31’- Moment i rrezikshëm për vendasit. Sulc futet në zonë dhe provon të rrezikojë. E bllokon Kumbulla në momentin e fundit.
24’- Rasti i parë i rrezikshëm për Shqipërinë. Aksion i gjatë i kuqezinjve, me Bajramin që provon me një gjuajtje të fortë në hyrje të zonës, por topi shkon jashtë.
23’- Harkim interesant nga Jasir Asani në zonë. Asllani nuk e arrin dot topin dhe humbet aksionin. Shqipëria nis të fitojë terren.
21’- Pasim i shkëlqyer i Asanit për Dakun në zonën e Çekisë. Sulmuesi kuqezi nuk finalizon si duhet dhe humbet topin.
18’- Pritje spektakolare e Strakoshës, që mohon një gol thuajse të sigurt pas gjuajtjes së Provod nga jashtë zone.
12’- Ismajli humb një duel në zonë me Cerny, por Kumbulla e mbyll në momentin e fundit.
10’- Daku tenton të futet në zonë, mbrojtja çeke e vëmendshme dhe ndal rrezikun.
8’- Provon Bajrami të niset me shpejtësi, por mbyllin menjëherë vendasit që marrin topin në kontroll. Minuta të vështira për Shqipërinë.
6’– Start i vrullshëm nga çekët që nuk i ndalin sulmet dhe kërkojnë golin e dytë.
3’- Gol Çekia 1-0! Vendasit kalojnë të parë në avantazh, Chory nuk fal në zonë duke e ndalur topin në fundin e rrjetës. Sulmuesi shfrytëzon një krosim nga e majta dhe fiton duelin me Kumbullën, për të zhbllokuar takimin.
0′– Starton sfida, luhet për fitore.
Kombëtarja shqiptare mposhtet 2-0 nga Çekia
Chory, në ndeshjen Çeki-Shqipëri
FORMACIONET ZYRTARE:
ÇEKIA: Kovar; Vitik, Holes, Boril; Coufal, Soucek, Cerv, Provod; Cerny, Chory, Sulc.
SHQIPËRIA: Strakosha; Hysaj, Ismajli, Kumbulla, Mitaj; Ramadani, Asllani, Laçi; Asani, Bajrami Daku.
/tvklan.al