Një grup kriminal që shpërndante lëndë narkotike në zona të ndryshme të Tiranës është goditur nga Policia e Tiranës gjatë një aksioni të koduar “Blic 34”.
Në një konferencë shtypi, drejtori i Policisë së Tiranës bëri të ditur se gjykata ka lëshuar 34 masa sigurie arrest në burg, nga të cilat janë ekzekutuar 27 të tilla. 7 persona të tjerë janë shpallur në kërkim pasi nuk u gjetën në banesat e tyre.
Gjatë aksionit u sekuestruan 3.4 kg kokainë, 150 doza heroine, 500 doza ekstazi, 12 kg kanabis, 26 celularë dhe 10 makina.
Grupi kriminal e shpërndante lëndën narkotike në lagje të ndryshme të kryeqytetit, në lokal dhe në afërsi të shkollave.
Në funksion të këtij hetimi, më gjatë javëve të mëparshme janë arrestuar edhe 7 persona të tjerë krahas grupit prej 34 vetash.
/tvklan.al
