Një marrëveshje e mundshme midis SHBA dhe Ukrainës për mineralet e rralla në tokë do të ndryshojë lojën mes Rusisë dhe amerikanëve.
Senatori amerikan republikan Lyndsay Graham tha se Kievi dhe Uashingtoni janë në bisedime për të arritur një marrëveshje që do t’i lejonte SHBA-së të drejtën për të minuar minerale kritike, duke përfshirë mineralet e tokës së rrallë, që përdoren në shumë pajisje të përditshme, të teknologjisë së lartë, si dhe në pajisje ushtarake. Presidenti Donald Trump la të kuptohej se për Ukrainën që të sigurojë mbështetje të vazhdueshme ushtarake kjo marrëveshje është shumë e rëndësishme.
“Nëse marrëveshja për mineralet ndodh, është një makth për Putinin, sepse ne kemi diçka për të mbrojtur që nuk e kishim më parë. Ata janë ulur mbi mineralet me vlerë trilion dollarë nga të cilat të gjithë ne mund të përfitojmë”, tha Graham në Konferencën e Sigurisë në Mynih.
“Është një “ndryshues i lojës, sepse presidenti Trump mund të shkojë te populli amerikan dhe të thotë se Ukraina nuk është një barrë, është një përfitim”, tha ai, duke shtuar: “Kështu që më mirë të tërhiqeni për këtë marrëveshje për mineralet”.
Ndërkohë Graham tha në konferencë se Senati i SHBA-së qëndronte pas rolit të Amerikës dhe anëtarësimit në NATO, pavarësisht disa deklaratave më pak të përkushtuara nga Sekretari i Mbrojtjes i SHBA-së, Pete Hegseth, i cili tha se Siguria Evropiane nuk ishte më një prioritet primar për SHBA-në.
“Senati Amerikan është i vendosur në kampin e NATO-s”, tha Graham.
/tvklan.al
