Rodri fiton “Topin e Artë”

Këtu përfundon edhe ky raportim live i ceremonisë së “Topit të Artë”. Rodri u shpall fitues i çmimit prestigjioz për këtë vit. Çmime u ndanë edhe në disa kategori të tjera për futbollin e meshkujve dhe femrave.

Më poshtë mund të ndiqni të gjitha lajmet. Që nga fituesit e çmimeve, renditja e “Topit të Artë” dhe gjithçka ndodhi mbrëmjen e sotme në Paris.

Të gjitha mund t’i ndiqni këtu ndërkohë që ne ju themi natën e mirë dhe shihemi në të tjera raportime në Tvklan.al!

Rodri – “Topi i Artë” për meshkuj

Aitana Bonmati – “Topit i Artë” për femra

Lamine Yamal – “Talenti i Vitit”

Harry Kane & Kylian Mbappe – trofeu “Gerd Muller” (dy sulmuesit më të mirë të vitit)

Emiliano Martinez – “Portieri i Vitit”

Carlo Ancelotti – “Trajneri i Vitit”

Emma Hayes – “Trajnerja e Vitit” për femra

Real Madrid – “Ekipi i Vitit” për meshkuj

Barcelona – “Ekipi i Vitit” për femra

Jennifer Hermoso – Çmimi “Socrates”

Rodri dukej shumë i emocionuar teksa ngrinte “Topin e Artë”. Pavarësisht bojkotit nga Real Madrid dhe kundërshtimeve sonte, duhet të pranojmë se vitet e fundit spanjolli ka qenë një lojtar kyç për kombëtaren dhe ekipin e Manchester City ku luan.

“Një ditë shumë e veçantë për mua, për familjen time dhe për vendin tim”, tha ai në fjalën e tij.

Rodri nuk ngurroi të motivojë edhe shokun e skuadrës te Spanja, Lamine Yamal. “Do ta fitosh një trofe të tillë një ditë miku im. Vazhdo puno fort”, tha spanjolli.

Rodri është fituesi i “Topit të Artë” për vitin 2024. Mesfushori i Manchester City-t, mori çmimin më të rëndësishëm në aspektin individual, ndërsa u ngjit në skenë me paterica për shkak të dëmtimit. Lojtari spanjoll ishte vendimtar me kombëtaren e tij në Europian, që kulmoi me fitimin e trofeut, por edhe një pikë kyçe te City, në fitimin e Premier League.

Në garën për “Topin e Artë”, mesfushori mposhti sulmuesin e Real Madrid, Vinicius Junior, i cili u rendit i dyti. Trofeun e “Topit të Artë” e dha George Weah, i cili e ka fituar atë në vitin 1995.

1- Rodri

2- Vinicius Junior

3- Jude Bellingham

4- Dani Carvajal

5- Erlind Haaland

6- Kylian Mbappe

7- Lautaro Martinez

8-Lamine Yamal

9- Toni Kroos

10- Harry Kane

11- Phil Foden

12- Florian Wirtz

13- Dani Olmo

14- Ademola Lookman

15- Nico Williams

16- Granit Xhaka

17- Federico Valverde

18- Emiliano Martinez

19- Martin Odegaard

20- Hakan Calhanoglu

21- Bukayo Saka

22- Antonio Rudiger

23- Ruben Dias

24- William Saliba

25- Cole Palmer

26- Declan Rice

27- Vitinha

28- Alejandro Grimaldo

29- Aretm Dovbyk dhe Mats Hummels

Jemi shumë pranë fundit! Për pak minuta do të zbulohet edhe “Topi i Artë” për meshkuj.

Ju duhet të vazhdoni të qëndroni në këtë raportim live për të mësuar siç kemi bërë prej fillimit të mbrëmjes së sotme edhe fituesin më të rëndësishëm të kësaj ceremonie.

Aitana Bonmati, është fituesja e “Topit të Artë”, për të dytin vit radhazi.

Futbollistja e Barcelonës, mahniti të gjithë në sezonin e fundit, me paraqitjet e treguara dhe ia doli të marrë çmimin më të rëndësishëm individual.

Bonmati ndihmoi Barcelonën në fitimin e titullit në Spanjë dhe triumfin në Champions League.

Pas marrjes së çmimit, ajo falënderoi bashkëlojtaret te Barcelona, por edhe presidentin Joan Laporta.

Carlo Ancelotti është zgjedhur si trajneri më i mirë i vitit. Italiani, fitoi La Ligën me Real Madrid, por edhe Champions League.

Për Ancelottin shkoi trofeu “Johan Cruyff”. Ai nuk arriti ta marrë dot çmimin gjatë ceremonisë, për shkak se nuk ndodhej aty, ashtu si pjesa tjetër e Real Madrid.

Emma Hayes, zgjidhet trajnerja më e mirë e vitit në futbollin e femrave.

Timonierja amerikane e Chelsea-t, ka marrë çmimin e veçantë. Pas këtij suksesi, ajo u shfaq shumë e lumtur.

5- Erlind Haaland

6- Kylian Mbappe

7- Lautaro Martinez