Rodri fiton “Topin e Artë”

Jennifer Hermoso, është fituese e çmimit “Socrates”. Ky është një çmim humanitar, që vlerëson futbollistët dhe futbollistet, për iniciativat më të mira sociale.

Futbollistja spanjolle e Barcelonës, ka bërë rolin e avokates, për lojtaret e tjera, kundër ngacmimeve seksuale në fushë. Hermoso u puth nga ish-presidenti i Federatës Spanjolle, Luis Rubiales, ndaj të cilit doli kundër dhe më pas ai u dënua.

Emiliano Martinez, është zgjedhur si portieri më i mirë i vitit, për herë të dytë radhazi. Gardiani argjentinas fitoi Trofeun “Yashin”. Çmimi u dorëzua nga sulmuesi i Interit, Lautaro Martinez, për bashkëkombësin e tij.

Portieri i Aston Villa-s dhe Argjentinës, zgjidhet kështu dy herë radhazi si portieri më i mirë i vitit. Lojtari ka qenë vendimtar për kombëtaren e tij në Kupën e Amerikës, por edhe në Premier League me skuadrën e tij.

Asgjë më pak e asgjë më shumë… Thjesht trofeu më i rëndësishëm individual për një futbollist.

Në skenën e Teatrit Chatelet u ngjitën dy trofetë që do të jepen sonte. Një do të shkojë për lojtarin më të mirë mashkull e tjetri për futbollisten më të mirë femër.

Ne ju ftojmë të vijoni të qëndroni në këtë raportim live ku kemi sjellë për ju moment pas momenti lajmet më të fundit nga ceremonia e “Topit të Artë”…

Harry Kane dhe Kylian Mbappe, janë fituesit e Trofeut “Gerd Muller”. Ky  trofe shkon për dy sulmuesit më të mirë të vitit.

Të dy lojtarët, kishin një vit shumë të suksesshëm, sa i përket golave të shënuar, pasi tundën rrjetën plot 52 herë secili. Për të dy sulmuesit, kjo është hera e parë që e fitojnë këtë çmim, që u fut në vitin 2021.

Mësuam se Real Madrid u shpall “Ekipi i Vitit”, por diçka e sikletshme ndodhi. Askush nga klubi nuk ishte aty për të tërhequr çmimin.

Real Madrid nuk ka reaguar ende mbi këtë çmim, apo lajme të tjera në lidhje me “Topin e Artë”. I vetmi postim i tyre sot është ky…

Në këto momente po zhvillohet një homazh ndaj legjendës gjermane të futbollit, Franz Beckenbauer, i cili humbi jetën në Janar.

Shoku i tij i skuadrës, Karl-Heinz Rummenigge dhe familjarë të Beckenbauer u ftuan në skenë për të folur mbi “Kaiserin”.

“Ai ishte një njeri i veçantë me zemër të madhe”, tha gruaja e tij, Heidi.  

8-Lamine Yamal

9- Toni Kroos

10- Harry Kane.

Real Madrid është zgjedhur si ekipi më i mirë i vitit 2024. Fitimi i La Ligës në Spanjë dhe triumfi në Champions League, ka bërë që madrilenët që zgjidhen si ekipi më i mirë i vitit.

Fatkeqësisht nuk ka njeri në Paris që ta marrë trofeun, pasi Real Madridi e ka bojkotuar këtë ceremoni në shenjë proteste, pasi mësuan se Vinicius Jr nuk do ta fitojë ‘Topin e Artë’.

Skuadra e Barcelonës, është zgjedhur si “Ekipi i vitit për femra”. Presidenti Joan Laporta festoi çmimin me pjesën tjetër të ekipit.

Lamine Yamal, është zgjedhur “Talenti i vitit”. Nuk kishte dyshime për këtë, duke parë sukseset e arritura nga ylli i Barcelonës.

Sulmuesi anësor, ishte protagonist me Spanjën në Europian, aty tërhoqi vëmendjen e të gjithëve.

Për fitimin e trofeut “Kopa”, Yamal mposhti konkurrencën e Arda Guler, Cubarsi, Mainoo dhe Savinho.