Erion Veliaj, Ajola Xoxa dhe biznesmenët sot në gjykatë

Siç raportuam më herët, tanimë presim që të rifillojë seanca gjyqësore në 13:30. A do të ketë ndonjë prononcim para dyerve të SPAK? Çfarë do të deklarojë Erion Veliaj përballë togave të zeza, apo personat e tjerë nën hetim? A do të ketë sërish qytetarë të grumbulluar në shenjë proteste?

Të gjitha këto mbeten për t’u parë më tej…Qëndroni me ne!

Masat e sigurisë (të cilat do të shqyrtohen sot në Gjykatën e Posaçme)

Erion Veliaj – “arrest me burg”

Ajola Xoxa – “arrest në shtëpi”

Elman Abule – “arrest me burg”

Gentian Sula – “detyrim paraqitje”

Shkëlqim Fusha – “detyrim paraqitje”

Meriman Palushi – “detyrim paraqitje”

Fatmir Bektashi – “detyrim paraqitje”

Sokol Kryeziu – “detyrim paraqitje”

Prokuroria e Posaçme thekson se është krijuar dyshimi se Veliaj dhe bashkëshortja e tij në të paktën 10 raste kanë kryer veprime korruptive, si dhe pastrim të produkteve të veprës penale. Sipas SPAK, ata kanë vënë një funksionim një mekanizëm që ka synuar dhe bërë të mundur në praktikë marrjen e përfitimeve të parregullta, të cilat burojnë nga fondet publike që administrohen nga Bashkia Tiranë përmes titullarit të saj, me qëllim pasurimin personal të kryebashkiakut dhe familjes së tij përmes veprimeve të kamufluara dhe të kundërligjshme. Lexo më shumë

Gjithashtu kanë kaluar përmes sponsorizimeve, likuidimeve të faturave fiktive apo blerjeve, të bëra prej subjekteve tregtare, të cilët nga ana e tyre kanë përfituar leje ndërtimi apo fonde publike nga Bashkia Tiranë, tek OJF-të, shpk-të dhe personat fizikë të kontrolluar de jure dhe de facto nga bashkëshortja e kryetarit të Bashkisë Tiranë; si dhe kanë kaluar si pasuri të paluajtshme në vlerë të konsiderueshme.

Po ashtu, janë shpenzuar për blerje me vlera të mëdha nga bashkëshortja e kryetarit të Bashkisë Tiranë, duke i kamufluar këto blerje përmes personave të tjerë. Çdo transferim i këtyre fondeve publike dhe lëshimi i lejeve të ndërtimit është kryer me miratimin e kryebashkiakut Veliaj. Lexo më shumë

Roli i biznesmenëve në skemën korruptive:

Nën hetim janë edhe 5 biznesmenë, konkretisht, Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha, ndaj të cilëve është vendosur masa e sigurisë “detyrim paraqitje”. Gjithashtu, SPAK ka kërkuar masën “arrest me burg” për biznesmenin Elman Abule.

Për biznesmenët, organi procedues ka grumbulluar prova të cilat të çojnë në konkluzionin se ekziston dyshimi i arsyeshëm se ata me veprime aktive të kundërligjshme kanë konsumuar elementë të veprës penale “Korrupsioni aktiv i funksionarëve të lartë shtetërore ose të zgjedhurve vendorë”. Lexo më shumë

I pari që reagoi ishte kreu i Partisë Demokratike Sali Berisha, fjalia e beftë e të cilit ishte: “Po shembet piramida e krimit falë opozitës”. Lexo më shumë

Në orët e mbrëmjes (10 Shkurt) reagoi vetë Erion Veliaj nga qelia e paraburgimit, duke mohuar çdo akuzë ndaj tij apo bashkëshortes. Lexo më shumë

Rreth orës 08:00 të mëngjesit dje, kryeministri Edi Rama komunikoi qëndrimin e tij për këtë çështje, duke e thënë që në krye të herës se “procesi hetimor ndaj Veliajt është shumë i çuditshëm”. Theksoi se “pas 5 vitesh heshtje, tanimë forca qeverisëse e ka mbyllur zyrtarisht fazën e no comment”. Lexo më shumë

Një sërë zhvillimesh karakterizuan ditën e djeshme:

Rama “vizitoi” dy herë bashkinë e Tiranës – Lexo më shumë

Tha se “Erion Veliaj nuk do të shkarkohet nga posti i rëndësishëm”

Kompetencat për drejtimin e bashkisë së kryeqytetit i kaluan Anuela Ristanit- Lexo më shumë

Kryeministri deklaroi se “do të angazhohet për fushatën në Tiranë” – Lexo më shumë

Veliaj pati një reagim të dytë – Lexo më shumë

Deputetja e PS Klotilda Bushka e cila po ashtu është nën hetim nga SPAK lidhur me çështjen, hodhi poshtë të gjitha pretendimet. Lexo më shumë

Kujtojmë se kreu i bashkisë së Tiranës u shoqërua nga zyra e tij drejt bllokut të sigurisë nga agjentët e BKH-së më 10 Shkurt (Të Hënën), pasi Gjykata e Posaçme i caktoi masën e sigurisë “arrest me burg”, i akuzuar për dy vepra penale, ajo e “korrupsionit pasiv” (në 9 raste) dhe “pastrim parash”. Për të njëjtat akuza, shtuar dhe atë të “mosdeklarimit të pasurisë” është caktuar masa e “arrestit në shtëpi” ndaj bashkëshortes së tij, me arsyetimin se është nënë e një fëmije të mitur.

Siç thuhet në dosjen e SPAK, dyshohet se çifti kishin ngritur një skemë të tërë korrupsioni. Ndërsa Veliaj në dy reagime të tij nga qelia e paraburgimit ka mohuar të gjitha pretendimet, duke theksuar se çështja penale ndaj tij dhe bashkëshortes është një histori e sajuar nga prokurori i dosjes, të cilin e konsideron “individ pervers”...Lexo më shumë

Në të njëjtën kohë, kryeministri Edi Rama mori pjesë në dëgjesën e grupit parlamentar të PS-së, lidhur me këtë çështje. Së pari, ai theksoi se është e papranueshme që deputetja Klotilda Bushka e merr vesh nga televizori se është nën hetim dhe së dyti ripërsëriti se “kjo forcë politikë nuk do të heshtë më para shkeljes së standardeve”. Sipas Ramës, drejtësia e ka ushtruar gjithnjë e pavarur pushtetin e saj, por “abuzimi me këtë të fundit është diçka reale”. Edhe pse tha se e mbështet plotësisht punën që SPAK bën, me në krye Altin Dumanin, deklaroi se “për çështjen e kryebashkiakut janë intimiduar shumë njerëz”.

Në mbyllje inkurajoi socialistët që “të mos tërhiqen” dhe me “kokën lart të shkojnë drejt 11 Majit”, ditë për të cilën u shpreh me bindje se do jetë ajo e fitores së mandatit të 4-ërt…Lexo më shumë

Punonjës të bashkisë e dhjetëra qytetarë u mblodhën para gjykatës në shenjë mbështetje ndaj kryebashkiakut. Me pankarta në duar ata brohoritën për ta përkrahur, ndërsa theksuan se proceset ligjore nuk duhet të përdoren për qëllime politike.

Kryebashkiaku Erion Veliaj doli nga blloku i sigurisë rreth orës 08:00 këtë të Mërkurë për t’u paraqitur në ambientet e GJKKO-së, atje ku mbërriti edhe bashkëshortja e tij Ajola Xoxa e shoqëruar nga 2 efektivë policie.

Përshëndetje lexues tvklan.al 👋

Në këtë raportim live do të ndiqni të gjitha zhvillimet sa i takon procesit gjyqësor me të cilin po përballet kryebashkiaku Erion Veliaj, bashkëshortja e tij Ajola Xoxa dhe 6 biznesmenë. Pritet që pas rinisjes së seancës gjyqësore në orën 13:30, të njihemi me më shumë detaje për atë që po ndodh në sallë. Avokatët e Veliajt kanë kërkuar të shohin fashikujt hetimorë, ndërsa theksojmë se dosja në fjalë është tejet voluminoze.