Seanca e fundit për këtë vit në Kuvend. Përplasje fizike mes deputetëve, Noka shtyn Shehajn

Projektligji për mbrojtjen e të dhënave personale ka shkaktuar debat në seancën plenare të ditës së sotme. Ministri i Shtetit për Marrëdhëniet me Parlamentin, Taulant Balla u shpreh se ky projektligj ka marrë 100% konfirmimin e Komisionit Europian.

Balla ndër të tjera i tha opozitës që një opozitë normale duhej ta mbështeste këtë projektligj, pasi sipas tij qëllimi i tij është mbrojtja e qytetarëve të Republikës.

Taulant Balla: Shqipëria po përafron legjislacionin e vetë që të mbrojë qytetarët. Ka dal opozita dhe po bërtet se pse ne po përafrojmë lëgjislacionin tonë të mbrojmë qytetarët dhe të dhënat personale. Pse bëheni qesharak? Ne natyrshëm nuk kemi shkuar në atë nivel që janë masat maksimale të një pjese të vendeve anëtare, por kemi bërë një ligj që kemi marrë 100% konfirmimin e Komisionit Europian...Lexo më shumë

Një incident ka ndodhur këtë të enjte në sallën e parlamentit. Deputeti Flamur Noka ka shtyrë deputetin Agron Shehaj nga foltorja.

Ky i fundit e bllokoi foltoren që nga momenti që kryeparlamentarja Elisa Spiropali nuk i dha fjalën. Noka i ka marrë edhe telefonin Shehajt dhe ia ka hedhur pasi ai ishte futur live në Facebook.

Në dalje, Shehaj tha se deputetët e opozitës u bënë palë me mazhorancën… Lexo më shumë

Teksa parlamenti është ndërprerë për disa minuta pushim, Agron Shehaj vijon që të qëndrojë në foltore.

Ai vijon debatet edhe me deputetët në radhët e Partisë Demokratike.

Siç raporton gazetari Enkel Xhangoli, Shehaj akuzoi Bardhin se është bërë palë me PS-në. “Keni bërë marrëveshje”, është shprehur ai.

Ndërsa kreu i grupit parlamentar të PD-së, Bardhi i është përgjigjur: Çfarë do nga ne, na thuaj!

Prej shumë minutash tashmë, deputeti Agron Shehaj ka bllokuar foltoren e Kuvendit. Ai qëndron aty pavarësisht se kryeparlamentarja Elisa Spiropali e përjashtoi nga seanca.

Por çfarë ndodhi?

Agron Shehaj kërkon disa muajsh një interpelancë me zv/kryeministren Belinda Balluku për rrugën Thumanë-Kashar. Ai e akuzon atë për korrupsion. Në çdo seancë që e ka kërkuar interpelancën, nuk i është miratuar.

Sot bëri përsëri të njëjtën gjë. Kërkoi interpelancë, por kryetarja e Kuvendit, Elisa Spiropali tha se ministrja Belinda Balluku ndodhet jashtë vendit. Por disa minuta më vonë, Balluku është paraqitur në seancë.

Siç e kemi raportuar edhe më herët, Balluku foli  duke thënë se ka qenë e gatshme për interpelancë, por Shehaj bën populizëm.

Pas kësaj, Shehaj ka kërkuar fjalën, por Spiropali nuk ia dha. Shehaj akuzon kryeparlamentaren se mashtroi për Ballukun dhe këtë të fundit se i fshihet interpelancës.

Megjithatë pavarësisht se vijon të qëndrojë në foltore, seanca vijon normalisht dhe deputetët flasin nga vendet e tyre.

Kuvendi vijon seancën.  

Deputeti Agron Shehaj nuk ka pranuar të largohet nga salla. Ai vijon të qëndrojë live në Facebook nga foltorja.

Ndërkohë deputetët flasin nga vendet e tyre. Për momentin po flet deputeti Dashnor Sula. Ai hodhi akuza për inceneratorin e Elbasani.

“Nuk funksionon, është një grup kriminal”, tha Sula.

Pas disa minutash ndërprerje, seanca rinisi punën.

Por deputeti Agron Shehaj vijon që të qëndrojë në foltore. Kryeparlamentarja Spiropali kërkoi ndërhyrjen e Gardës për të nxjerrë deputetin. Kjo solli reagimin e opozitës.

“Mos e prek deputetin”, dëgjohet të thotë Berisha.

“Dil nga seanca, je i përjashtuar”, tha Spiropali.

Ndërkohë Agron Shehaj është futur live Facebook.

Kryeparlamentarja Elisa Spiropali sapo përjashtoi nga Kuvendi deputetin Agron Shehaj. Ky i fundit bllokoi foltoren teksa fliste ministri i Financave, Petrit Malaj. Shkak ishte replika që donte të bënte me zv/kryeministren Belinda Balluku.

“Jeni i përjashtuar nga seanca zoti Shehaj. Çlironi foltoren dhe suksese”, tha Spiropali.

Më pas ajo vendosi pesë minuta pushim me qëllim lirimin e foltores. 

“Ke të gjithë të drejtën të diskutosh, je i regjistruar, ulu mos e blloko foltoren. Nuk i fiton dot votat, as me bllokim, as me populizma, as me TikTok”, i tha Spiropali deputetit Agron Shehaj.

Tashmë në këto momente ka nisur diskutimi i projektligjit për tatimin mbi të ardhurat. Fjalën e ka ministri i Financave, Petrit Malaj që po e prezanton para deputetëve.

Aktualisht është deputeti Agron Shehaj në foltore që kërkon fjalën, për të replikuar me zv/kryeministren Belinda Balluku duke mos lejuar zhvillimin normal për momentin të seancës.

Pavarësisht kësaj ministri Malaj po vijon me fjalën e tij nga karrigia e ministrit.

Ministri Petrit Malaj u rikthye në kuvend dhe i ktheu përgjigje kreut të grupit parlamentar të PD-së.

Petrit Malaj: Gjumë jeni mësuar të flini ju, keni vite që flini gjumë. Nëse do i referohesh medias do shohësh angazhimin tim për çfarë kam qenë i angazhuar dhe ku kam qenë i angazhuar.

Gazment Bardhi: Nuk do përgjigjem për çështjen e gjumit. Zotrote erdhe në punë në orën 12:00. Ai shqetësim që ngritëm, nuk ndjekim axhendën, se s’bën asnjë punë. Je aty vetëm se të ka rekomanduar krimi i organizuar dhe ti e di shumë mirë. Je aty për të menaxhuar paratë e buxhetit që pjesën dërrmuese t’ia çosh krimit të organizuar. Je aty si ushtar i Edi Ramës për të firmosur çfarë të urdhëron ai. Zotëria juaj e ke për detyrë me kushtetutë dhe rregullore të jesh aty. Sa orë fle në gjumë, kur zgjohesh dhe ça ëndrrash shikon kjo është puna jote. Herë tjetër paraqitu në orar për të prezantuar iniciativat e Këshillit të Ministrave.

Këtë të Enjte mbahet seanca e fundit plenare për vitin 2024.