Lajme, #edicioniinformativ ora 23:20 data 30 Janar 2025 #TvKlan #klanlajme

Spiker: Reis Çiço

Headlines 30 Janar

I jepet lamtumira e fundit kryepeshkopit Janullatos. Në ceremoni, Rama, Mitsotakis e Berisha

Qindra qytetarë, besimtarë, politikanë e përfaqësues të larte te besimeve fetare i dhanë sot lamtumiren e fundit kryepeshkopit Anastas Janullatos. Ne ceremoni morën pjesë edhe kryeministrat Rama e Mitsotakis dhe lideri i opozitës, Berisha.

SPAK: Ndihma amerikane, thelbësore. e rëndësishme për fuqizimin e punës së Prokurorisë së Posaçme

SPAK reagon pas vendimit të Shteteve të Bashkuara të Amerikës për të ndërprerë asistencën financiare. Prokuroria e Posaçme thotë se edhe pse mbështetet financiarisht nga buxheti, mbështetja amerikane është thelbësore.

Raportuesi për Shqipërinë në Parlamentin Europian: Zgjedhjet e 11 Majit, sfidë është vota e emigrantëve

Reporteri për Shqipërinë në Parlamentin Europian, Andreas Schieder thotë se zgjedhjet e 11 majit janë sfiduese për shkak të votës së emigrantëve. Sa u përket rekomandimeve të OSBE-ODIHR ai thotë se nuk ka më kohë për t’i implementuar.

Përmbytje të mëdha nga reshjet në Durrës. Nën ujë, 300 banesa dhe 40 hektare toke

Rreth 300 banesa dhe mbi 40 hektarë tokë janë përmbytur në Durrës si pasojë e shirave të dendur të një dite me parë. Autoritet bënë evakuimin e disa familjeve ndërsa po punojnë për të normalizuar situatën duke larguar ujin me pompa.

ISHP: Gripi agresiv i tipit “A” ka prekur më rëndë Shkodrën, Tiranën e Durrësin

Mjekët thonë se në vend po mbizotëron gripi agresiv i tipit A, ndërsa 7 qarqe po përballen me situatën më të vështirë të epidemisë. Numrin më të lartë të rasteve e ka Shkodra, Tirana dhe Durrësi.

Tragjedi ajrore në Uashington. Një helikopter ushtarak godet një avion pasagjeresh

Një helikopter ushtarak amerikan përplasi një avion civil me 64 pasagjerë në bord gjatë uljes në Uashington. Deri më tani janë gjetur trupat e mbi 28 personave. Presidenti Donald Tramp thotë se nuk besohet të ketë të mbijetuar.

/tvklan.al