Robert Berisha ka tërhequr vëmendjen e të gjithëve pas publikimit të disa videove në mediat sociale. Ka qenë modelja italiane Maria Bove, e cila ka publikuar në llogarinë saj në Instagram disa video në krah të këngëtarit.

Ata shihen teksa darkojnë në një restorant dhe duket se janë të lumtur me njëri-tjetrin. Por pas një video ku tregojnë se janë bashkë, modelja italiane ka treguar se ka shkëmbyer dhe një puthje pasionante me Robert Berishën.

Maria Bova në të gjitha postimet e saj ka etiketuar dhe këngëtarin, duke shoqëruar videon ku puthen me një zemër.

Ende asnjë prej të dyve nuk ka reaguar, por duket se Roberti dhe Maria mund të jenë çifti më i ri në shoëbizz. Robert Berisha ka qenë i martuar me këngëtaren Nora Istrefi, me të cilën është ndarë disa kohë më parë dhe i lidhur me modelen Jesicca Kadiun e cila bëri një deklaratë bombë. Modelja pranoi publikisht se ishte në një lidhje me Robert Berishën, por ai e mohoi në mënyrë kategorike romancën e tyre në vitin 2019. Jesicca ka shprehur ndjenjat për të dhe shpresonte që një ditë të riktheheshin sërish bashkë.

Por pasi videos ku Roberti shihet duke u puthur me modelen italiane, ajo e nxitur nga kurioziteti dhe pyetjet e fansave ka reaguar përmes një postimi në Instastory, ku shprehet se e ka lënë pas këtë histori dhe vazhdon të jetojë jetën e saj.

“Ju kam juve si FBI s’kam nevojë të shikoj se mi dërgoni juve. Po lejeeeee bre se s’dua me ja dit. Ai është problemi i saj tani hahahahaha i uroj fat asaj, e kam kaluar kohën kur kisha ndjenja për të shumë kohë më parë. Gjithmonë ju kam premtuar që një ditë do flas hapur dhe më në fund jam shumë okay që të flas pa doreza. Kjo do jetë hera e fundit që flas në lidhje me këtë temë jo pse me bezdis, por sepse jam shumë mirë me vetveten dhe e kaluara duhet të qëndrojë në të kaluarën. Jam shume e lumtur deri tani me njerëzit qe kam afër meje për momentin. Kam mësuar shumë dhe tani e di si të dalloj kur një person të do me të vërtetë dhe kur vetëm të përdor për interesat e veta. Çdo gjë ndodh për një arsye”, deklaroi Jessica. /tvklan.al

Puthje pasionante dhe darkë romantike, Robert Berisha në një lidhje me modelen italiane?