Euro 2024 Parlamenti mblidhet në seancë plenare, pritet interpelancë me ministren Manastirliu
Seanca plenare (5 Dhjetor 2024)
Parlamenti është mbledhet në seancën plenare të radhës. Në rendin e ditës është parashikuar që të zhvillohet një interpelancë urgjente me ministren e Arsimit dhe Sportit, Ogerta Manastirliun.
Kjo interpelancë është kërkuar nga grupi parlamentar i Partisë Demokratike pas ngjarjer së rëndë në afërsi të shkollës “Fan Noli” në kryeqytet ku 14-vjeçari M.C. humbi jetën si pasojë e goditjes me thikë nga bashkëmoshatari i tij.
“Kërkojmë një interpelancë urgjente për paketën mbi sigurinë në shkolla, për ndihmën psiko-sociale dhe mbështetëse në shkolla”, thuhet në kërkesën e grupit të PD-së.
Gjithashtu, pritet që të diskutohen një sërë projektligjesh si ai për miratimin e organikës dhe klasifikimit të pagave të punonjësve administrativë pas mbarimit të mandatit të Komisionerëve Publikë.
Një ndër pikat e rendit të ditës është edhe projektligji për ratifikimin e marrëveshjes ndryshuese me shkëmbim letrash të marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për projektin “Për përmirësimin e sistemit të shëndetësisë”.
RENDI I DITËS, SEANCA PLENARE (12 DHJETOR 2024):
-Interpelancë urgjente me Ministrin e Arsimit dhe Sportit, Zonjën Ogerta Manastirliu, kërkuar nga Grupi Parlamentar i Partisë Demokratike.
-Projektligji “Për ratifikimin e marrëveshjes ndryshuese me shkëmbim letrash të marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për projektin “Për përmirësimin e sistemit të shëndetësisë”, ratifikuar me ligjin nr.57/2015”.
-Projektligji “Për miratimin e rritjes së kuotës së Republikës së Shqipërisë në Fondin Monetar Ndërkombëtar”.
-Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Sllovenisë, për bashkëpunimin në mbrojtje ndaj katastrofave natyrore dhe të tjera”.
-Projektligji “Për disa ndryshime dhe shtesa në ligjin nr.90/2021, “Për ndarjen e shoqërisë “Hekurudha Shqiptare, sh.a.””.
-Projektvendimi “Për miratimin e organikës dhe klasifikimit të pagave të punonjësve administrativë pas mbarimit të mandatit të Komisionit të Pavarur të Kualifikimit”.
-Projektvendimi “Për miratimin e organikës dhe klasifikimit të pagave të punonjësve administrativë pas mbarimit të mandatit të Komisionerëve Publikë”.
-Diskutime për çështje jashtë rendit të ditës.
/tvklan.al