Trajneri i Italisë, Luciano Spalletti, ka publikuar listën me lojtarët që do të jenë të grumbulluar, për dy ndeshjet ndaj Gjermanisë, në çerekfinalen e Ligës së Kombeve.
Nuk mungojnë risitë, ku për herë të parë grumbullohen në kombëtare Matteo Ruggeri i Atalantës dhe Cesare Casadei i Torinos.
Matteo Politano rikthehet te Italia pas një viti e gjysmë, ndërsa në ekip rikthehet edhe Mattia Zaccagni. Nuk është grumbulluar Federico Dimarco, i cili është jashtë për shkak dëmtimi.
Ndeshja e parë mes Italisë dhe Gjermanisë do të luhet në “San Siro” më 20 Mars, ndërsa ajo e kthimit më 23 Mars në Dortmund.
LISTA E PLOTË:
Portierë: Gianluigi Donnarumma, Alex Meret dhe Guglielmo Vicario.
Mbrojtës: Alessandro Bastoni, Alessandro Buongiorno, Riçardo Calafiori, Andrea Cambiaso, Pietro Comuzzo, Giovanni Di Lorenzo, Federico Gatti, Matteo Ruggeri dhe Destiny Udogie.
Mesfushorë: Nicolò Barella, Cesare Casadei, Davide Frattesi, Samuele Ricci, Nicolò Rovella, Sandro Tonali.
Sulmues: Moise Kean, Lorenzo Lucca, Daniel Maldini, Matteo Politano, Giacomo Raspadori, Mateo Retegui, Mattia Zaccagni.
/tvklan.al
