Lajme, #edicioniinformativ ora 19:30 data 26 Dhjetor 2024 #TvKlan #klanlajme

Spiker: Drini Zeqo

Headlines 26 Dhjetor

150 euro shpërblim për 275 mijë familje në nevojë. Përfiton edhe një pjesë e administratës

Qeveria shpërblen me 150 euro për fundvit mbi 275 mijë individë e familje që janë në skemat e ndihmës sociale. Do të përfitojnë edhe 18 mijë ndihmës e kujdestarë të personave me aftësi të kufizuara si dhe një pjesë e administratës publike.

Erion Veliaj pyetet për mbi 5 orë në SPAK: Jam denoncuar nga një njeri që s’ekziston

Kryebashkiaku i Tiranës, Erion Veliaj, u paraqit sot në SPAK ku u morr në pyetje për rreth 5 orë për çështjen e pasurisë. Ai tha se është denoncuar nga një njeri që nuk ekziston, por ka zgjedhur të bashkëpunojë me Prokurorinë e Posaçme.

Shqiptarët “arratisen” jashtë për festa. Më të preferuara, Praga, Vjena dhe Stambolli

Natën e ndërrimit të viteve shumë shqiptarë kanë zgjedhur ta kalojnë jashtë vendit. Sipas agjencive turistike më të preferuara mbeten disa nga kryqendrat e Europës si Praga, Viena, Kopenhageni dhe Stambolli. 

Ndalimi i smartphoneve, efekte pozitive te fëmijët. Eksperimenti: Për 3 javë u ra ankthi dhe depresioni

Kufizimi i rrjeteve sociale për fëmijët mund të sjellë pasoja pozitive në shëndetin e tyre mendor. Një studim i fundit arrin në përfundimin se ndalimi i plotë i përdorimit të smartfonëve u redukton atyre ankthin dhe depresionin.

Avioni Azer u godit nga sistemi anti-ajror Rus? Në mbetjet e tij ka shenja të dukshme predhash

Avioni që u rrëzua dje në Kazakistan me 67 persona në bord dyshohet se mund të jetë goditur nga sistemi anti-ajror rus. Në mbetjet e avionit janë zbuluar shenja të goditjeve me predha, ndërsa hetuesit thanë se po përpiqen të zbulojnë arsyet.

“Giro d’Italia” në Shqipëri pasqyrohet në 70 vende të botës. Rama: Jehonë nisjes nga vendi ynë

Lajmi se edicioni 2025-ës i “Giro D’Italia” do të nisë nga Shqipëria është pasqyruar në të paktën 70 shtete të ndryshme të botës. Kryeministri Edi Rama shprehet se 700 burime informacioni i kanë bërë jehonë kësaj ngjarjeje.

/tvklan.al