#lajme, #edicioniinformativ ora 23:20 data 6 Prill 2024 #TvKlan #KlanLajme

Spiker: Redi Prifti

Headlines 6 prill 2024

Rama e Veliaj, një qëndrim për arrestimet në Bashkinë e Tiranës: Mbështetja jonë për SPAK s’është propagandë

Kryeministri Edi Rama dhe kryebashkiaku Erion Veliaj janë në një qëndrim sa i përket arrestimeve në bashkinë e Tiranës, duke kërkuar që drejtësia të bëjë punën e saj. Rama thekson se mbështetja ndaj SPAK nuk është propagandë, por vullnet politik i mazhorancës qeverisëse.

9 qytete me aktivitet më të lartë kriminal. SPAK: Në Tiranë, pastrim parash. Në Durrës e Fier, trafik droge

SPAK evidenton 9 qytete për aktivitet të lartë kriminal. Në raportin vjetor të Prokurorisë së Posaçme thuhet se në Tiranë krimi është i orientuar drejt pastrimit te parave, ndërsa në Durrës e Fier, në trafikun e drogës.

“Vrasësi i taksistëve” ekstradohet nga Koreja e jugut. Ervin Shahini fshihej prej vitit 1997

Ekstradohet nga Koreja e Jugut një person i arratisur nga burgu prej vitit 1997. Ervin Shahini, i njohur si “Vrasësi i Taksistëve”, ishte dënuar nga drejtësia shqiptare me burgim të përjetshëm për vrasjen dhe plagosjen e disa taksistëve.

1.7 mln turistë në 3 muajt e parë. Rama: Rekord që duhet t’i përgjigjemi me standard në mikpritje

1.7 milionë turistë vizituan Shqipërinë në 90 ditët e para të vitit, ndërsa rekordin e shënoi muaji mars me një rritje prej 91 përqind. Kryeministri Edi Rama thotë se këtyre shifrave u duhet dhënë përgjigje me të njëjtin standard mikpritjeje.

70% ulje të kamatës për ata që paguajnë njeherësh, skema e OSHEE për familjet e varfra jep rezultate

Lehtësia e ofruara nga OSHEE për të falur 70 përqind të kamatës për familjet e varfra që paguajnë të gjitha detyrimet e prapambetura ka nisur të jap rezultatet e para. Të dhënat zyrtare flasin për 300 akt-marrëveshje të lidhura.

Cila skuadër do ta fitojë euro 2024? Goal.com shton në listë edhe Kroacinë

Goal.com, faqja e specializuar e internetit për futbollin, shton edhe Kroacinë në listën e 10 skuadrave pretendente për të fituar kampionatin Europian. Në liste janë edhe dy skuadrat e tjera të grupit të Shqipërisë, por e para mbetet Anglia./tvklan.al