Zelensky për “Washington Post”: Pa Amerikën është e vështirë të mbrohemi

Nën presion të konsiderueshëm nga Presidenti Biden, Mike Johnson do të lejojë Kongresin të votojë për ndihmën për Ukrainën, një fitore e rëndësishme diplomatike për presidentin amerikan.

Kjo do të ndodhë pasi Kongresi të kthehet nga pushimet e Pashkëve, ka bërë të ditur Mike Turner, Kryetar i Komitetit të Inteligjencës së Dhomës së Përfaqësuesve të SHBA-së.

“Kur të kthehemi kjo çështje është axhendë. Pasi sapo kemi kaluar të gjitha projektligjet që financojnë qeverinë federale, besoj se kjo do të ketë mbështetje dërrmuese në Kongres dhe ne do të vendosim një faturë në tryezën e Presidentit”, tha Turner në “Face the Nation”.

Kongresmeni vuri në dukje se kryetari Johnson e ka bërë të qartë se ai e mbështet Ukrainën. Dhoma e Përfaqësuesve e SHBA-së do të kthehet nga pushimet e Pashkëve më 9 prill. Turner shprehu shpresën se Kongresi i SHBA-së do të jetë në gjendje të miratojë ndihmën për Ukrainën përpara se Dhoma e Përfaqësuesve të shkojë sërish në pushim më 22 prill.

“Presidenti Zelensky ia ka bërë të qartë kryeparlamentarit Johnson, se Ukarian është në një pikë kritike. Putini e di këtë. Kjo është padyshim një fushë ku ne nuk mund ta lejojmë Putinin të fitojë”, theksoi ai.

Kongresi amerikan nuk ka arritur të arrijë një marrëveshje për kërkesën e Presidentit Joe Biden për të ndarë fonde të reja për financimin e ndihmës për Ukrainën që nga vjeshta e kaluar. Këtë vit, Senati i SHBA miratoi një projekt-ligj që do të ndajë rreth 60 miliardë dollarë për financimin e ndihmës për Ukrainën. Dokumenti i kaloi Dhomës së Përfaqësuesve, por ende nuk është dorëzuar për shqyrtim atje. Projektligji i Senatit u kundërshtua nga kryetari Johnson. Ai deklaroi se donte që dokumenti të përfshinte gjithashtu masa të ashpra për të mbrojtur kufijtë amerikanë nga emigrantët. Së fundmi, Zelensky tha në një intervistë me The “Washington Post” se pa ndihmën amerikane do të ishte e vështire të vazhdohej përpara.

Klan News