Zvicra qëndron në krye në renditjen e Indeksit të Zhvillimit Njerëzor, perspektiva për 2022 mbetet e zymte

Përparimi në aspektin e jetëgjatësisë, arsimit dhe prosperitetit ekonomik ka filluar të zbehen i nxitur nga pandemia.

Një raport i fundit i OKB-së tregon se gjatë dy viteve të fundit nëntë nga 10 vende kanë rënë shumë poshtë renditjes  në Indeksin e Zhvillimit Njerëzor të OKB-së.

Covid-19, lufta në Ukrainë dhe ndikimi i ndryshimeve klimatike janë shkaktarët kryesorë për këtë ngadalësim. Zvicra qëndron në krye të indeksit këtë vit me një jetëgjatësi prej 84 vjetësh, një mesatare prej 16.5 vitesh të shpenzuara në arsim dhe pagë mesatare prej 66,000 Dollarë.

Në anën tjetër të shkallës është Sudani i Jugut, ku jetëgjatësia është 55, njerëzit shpenzojnë mesatarisht vetëm 5.5 vjet në shkollë dhe fitojnë 768 Dollarë në vit. Reagimet në shumicën e 191 vendeve të përfshira në indeks, veçanërisht në jetëgjatësinë, i kanë kthyer nivelet e zhvillimit përsëri në ato të 2016-ës, duke përmbysur një prirje 30-vjeçare.

Në SHBA, jetëgjatësia ka rënë me më shumë se dy vjet që nga viti 2019. Në vende të tjera rënia është shumë më e lartë. Që nga prezantimi i indeksit, shumë vende janë përballur me kriza. Viti i kaluar ishte hera e parë që indeksi ra që nga fillimi i përllogaritjeve dhe rezultatet e këtij viti e forcuan këtë prirje rënëse.

Megjithatë, ndikimi ka qenë i pabarabartë. Dy të tretat e vendeve të pasura u rikuperuan vitin e kaluar, ndërsa shumica e të tjerave vazhduan të bien.

Indeksi i këtij viti bazohet në të dhënat e vitit 2021 por perspektiva për vitin 2022 është e zymtë”, thotë Achim Steiner, një nga autorët e tij, i cili thekson se më shumë se 80 vende po përballen me probleme për të shlyer borxhin e tyre kombëtar.

Klan News