#Opinion | Emision politik live nga #BlendiFevziu në #tvklan

Emisioni “Opinion” mbrëmjen e kësaj të enjteje fokusohet në atë se çfarë ndodhi në parlament, ku deputetët e opozitës u përplasën me gardën. Nga ana tjetër deputeti i PD Luan Baçi akuzon se njëri prej drejtuesve të policisë ka tentuar të nxjerrë armën ndaj tij. Megjithëse Policia e Shtetit në një deklarim hodhi poshtë akuzat e opozitës. Si një “protagonist” i kësaj situate në studion e emisionit” Opinion” Luan Baçi shpjegon çdo gjë.

Të ftuar: Luan Baçi, Ornela Çuçi, Agron Shehaj, Mark Marku, Plarent Ndreca, Preç Zogaj, Tomor Alizoti

Baçi e thotë me bindje në “Opinon”: Efektivi më pa drejt në sy, nxorri armën si “cowboy”…

Deputeti demokrat Luan Baçi u shpreh i bindur se një nga efektivët e FNSH-së i ka nxjerrë armën gjatë përplasjeve të sotme jashtë Parlamentit. I ftuar këtë të Enjte në “Opinion” në Tv Klan, ai u shpreh se ky akt nuk është personalisht ndaj tij, por ndaj gjithë opozitës.

-Pashë pamjet e momentit të parë. A keni të drejtë të shtyni një polic ashtu? Është zbatues i ligjit.

Luan Baçi: Absolutisht jo dhe absolutisht nuk e kam bërë! Por në momentin që vihemi mes dy zjarreve. Kemi punonjësit e Gardës dhe punonjës të policisë. Kthehemi në oborr të Parlamentit dhe përsëri na dalin të FNSH-së, me skafandra që na i vënë në fytyrë për të mos ikur. Kemi kapur skafandrën për t’i larguar. Meqë ai zbaton urdhrin e padrejtë, ne duhet të nënshtrohemi?! Ramën nuk e takojmë dot, është e pamundur të takosh urdhërdhënësin. Unë nuk pretendoj, se kam qenë aty dhe e kam parë. Polici që ka qenë aty, hapi xhaketën si te filmat me cowboys, më pa drejt në sy dhe kapi pistoletën ashtu. Më vjen keq që reagova në moment, që mora kapelen dhe ia hodha në fytyrë.

-Ndërkohë policia thotë është bombul spraji…

Luan Baçi: Është deklaratë e PS-së, pavarësisht se e çon policia. Pse kur u agravua situata dhe shumë kolegë erdhën e panë skenën, deputetja Hoti bëri filmimin. Të gjithë punonjësit, forcat e FNSH u larguan për të mos u zbuluar. Drejtuesi i Gardës u habit tha ç’duan këta këtu? Kjo nuk është nxjerrje arme e një polici ndaj një deputeti, është në vazhdën e gjithë presioneve të kësaj mazhorance ndaj opozitës.

/tvklan.al