Të ftuar:

Klodian Allajbeu,

Irena Kita,

Lajla Pernaska,

Ori Kuçi,

Dritan Shakohoxha,

Kastriot Islami,

Robert Aliaj,

Balina Bodinaku

Komentatori i sportit, Dritan Shakohoxha në momentin që ka parë një foto të këngëtarit Robert Aliaj në moshën 30-vjeçare, i është drejtuar duke e pyetur me humor: se si mund të qëndronte një vajzë me të, me një portret të tillë në atë moshë? Shakohoxha theksoi në studion e emisionit ‘Opinion’ se njeriu duhet të mbajë vetën, pasi estetika e dikujt ka shumë lidhje edhe me humorin e atij që takon apo një bashkëbiseduesi të rastësishëm, si dhe ndonjë kolegu në punë. Nga ana tjetër, artisti Robert Aliaj, sqaroi se pamja estetike e një personi nuk e shqetëson aspak, përkundrazi tha ai, sfida është për të zbuluar tek dikush bukurinë e brendshme.

Sonte në emisionin Opinion po flitet për temën e moshës: “Si të mbetemi të rinj”. Teksa ish deputetja demokrate Lajla Përnaska po fliste për stresin dhe ndikimet e mëdha që ai ka në mirëqenien e njeriut, ka ndërhyrë Robert Aliaj. Ai është shprehur se të ftuarit po flisnin si të ishte emision i vitit 1996, ku ende ishte tabu të flitej për seksin. Sipas Robert Aliajt aktiviteti seksual është ndikuesi kryesor në mirëqenien e një personi dhe mungesa e tij ka ndikim negativ. Aliaj tha se aktiviteti seksual kryen njëherësh disa funksione çka e bën që ai të ndikojë pozitivisht në energjitë e individëve. Sipas Aliajt aktiviteti seksual të bën të ndihesh mirë sepse mbushesh me dashuri, kryen njëherësh edhe funksion e sportit, çliron energjitë negative, përjeton emocione të veçanta etj.