Administrata e Biden ka vendosur të heqë ndalimin e shitjes së armëve sulmuese nga SHBA në Arabinë Saudite, duke përmbysur një politikë 3-vjeçare për të bërë presion për të mbyllur luftën e Jemenit.

Departamenti i Shtetit ka vendosur të pezullojë disa transferime të municioneve ajër-tokë në Arabinë Saudite. Ligjvënësit demokratë dhe republikanë kanë vënë në pikëpyetje sigurimin e armëve sulmuese për Arabinë Saudite në vitet e fundit, duke përmendur çështje që përfshijnë numrin e civilëve të vrarë në Jemen dhe një sërë shqetësimesh për të drejtat e njeriut.

Niveli i kërcënimit në rajon është rritur që nga fundi i muajit të kaluar, me Hezbollahun e mbështetur nga Irani që u zotuan të hakmerren kundër Izraelit pasi shefi politik i Hamasit, Ismail Haniyeh u vra në Teheran.

Administrata Biden gjithashtu ka negociuar një pakt mbrojtës dhe një marrëveshje për bashkëpunim bërthamor civil me Riadin, si pjesë e një marrëveshjeje të gjerë që parashikon normalizimin e marrëdhënieve me Izraelin nga Arabia Saudite, megjithëse ky mbetet një qëllim i pakapshëm.

“Ne gjithashtu vërejmë hapat pozitivë që Ministria e Mbrojtjes Saudite ka ndërmarrë gjatë tre viteve të fundit për të përmirësuar ndjeshëm proceset e tyre të zbutjes së dëmeve civile, pjesërisht falë punës së këshilltarëve amerikanë,” tha zyrtari i Departamentit të Shtetit. Që nga Marsi i vitit 2022 kur sauditët dhe huthi hynë në një armëpushim të udhëhequr nga OKB, nuk ka pasur asnjë sulm ajror saudit në Jemen.

Biden miratoi qëndrimin më të ashpër për shitjet e armëve në Arabinë Saudite në vitin 2021, duke përmendur fushatën e mbretërisë kundër Houthi-ve të lidhur me Iranin në Jemen, e cila ka shkaktuar viktima civile.

Klan News