Një 102-vjeçare ka vendosur t’i bëjë një dhuratë jo shumë të zakonshme vetes për ditëlindje. Ajo ka vendosur të hidhet nga avioni me parashutë. 102 vjeçarja e patrembur, e cila ishte e martuar me një parashutist ka punuar për Flotën Detare Mbretërore britanike në Egjipt gjatë Luftës së Dytë Botërore.

Pas përfundimit me sukes të hedhjes nga avioni, Manette Baillie u bë personi më i  vjetër në Britaninë e Madhe që hidhet me parashutë.

Sapo ajo zbriti në tokë, Baillie u shpreh se eksperienca ishte e mrekullueshme. Nuk është hera e saj e parë që ajo feston ditëlindjen në një mënyrë të pazakontë.

Për të festuar 100-vjetorin e ditëlindjes, ajo drejtoi një makinë garash me shpejtësi 130 mph.

Ajo e ndërmori këtë aventurë të rrezikshme për moshën e saj për të grumbulluar fonde për të ndihmuar tre organizata bamirësie që ajo i ka për zemër.

Klan News