Policia Kufitare dhe Njësia Policore Detare, duke parë fluksin e lartë të frekuentimit të plazheve të vendit edhe gjatë javës së parë të muajit shtator, ka vijuar operacionin “Siguria Detare”,  përgjatë gjithë vijës bregdetare, hapësirave liqenore dhe atyre lumore.

Si rezultat i kontrolleve në kuadër të këtij operacioni nga Ksamili në Koman, janë bllokuar 17 mjete lundruese.

5 prej mjeteve lundruese të bllokuara janë konstatuar duke lundruar brenda perimetrit të sigurisë, shkelje e cila rrezikonte jetën e pushuesve.

Krahas bllokimit të mjeteve lundruese, drejtuesit janë ndëshkuar edhe me gjoba që variojnë nga 10 mijë deri në 100 mijë Lekë.

Tv Klan