Një aksident i pazakontë ka ndodhur mbrëmjen e sotme në aksin rrugor “Levan-Qarr”. Policia bën të ditur se tre makina janë përfshirë në këtë aksident ku si pasojë e përplasjes janë lënduar 4 persona të cilët ndodhen në spital për ndihmë mjeksore, jashtë rrezikut për jetën si dhe janë dëmtuar disa bagëti të imta.

Gazetarja e Klan News, Anila Sefa raporton se janë përplasur 36 kokë dhen, të cilat kanë qenë duke kaluar rrugën. Paraprakisht dyshohet se shkak ka qënë shpejtësia e lartë me të cilën po udhëtonte drejtuesi i mjetit që ka përplasur edhe dy mjetet e  tjera.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.

Njoftimi i Policisë:

Fier/ Informacion paraprak

Rreth orës 18:40, në aksin rrugor “Levan-Qarr”, automjeti me drejtues shtetasin L. Dh., është përplasur me automjetin me drejtues shtetasin E. K., dhe me automjetin me drejtues shtetasin B. S.

Si pasojë e përplasjes janë dëmtuar shtetasit L.Dh., dhe 3 pasagjerë të cilët ndodhen në spital për ndihmë mjeksore, jashtë rrezikut për jetën.

Gjithashtu nga përplasja e automjeteve në rrugë janë dëmtuar bagëtitë e imta të shtetasit N. M.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.

/tvklan.al