Serbia sfidon me Sputnik

Kryeministri Babis tha nga Beogradi se vendi i tij nuk është i gatshëm që të administrojë vaksinën ruse të koronavirusit Sputnik V përpara se ajo të miratohet nga Rregullatori i Bashkimit Evropian. Praga ka kërkuar vaksina jashtë programit të përbashkët të BE pasi dërgesat nga kompanitë e aprovuara të ilaçeve perëndimore u vonuan.

Me një ekip ekspertësh, Babis vizitoi Hungarinë të Premten për të diskutuar përvojën e tyre me vaksinën. Hungaria ishte vendi i parë i BE që i jep një dritë jeshile vaksinës ruse.

Ministria Çeke e Shëndetësisë ka njoftuar se një shpërndarjen e vaksinave Moderna të planifikuara për të mbërritur në Pragë të hënën do të vonohet me një javë. Vetëm gjysma e dozave të pritshme, 44 mijë vaksina, do të arrijnë në këtë shtet të Evropës Qendrore.

Ndërkaq Serbia i ka dhënë të paktën një dozë të koronavirusit rreth 7 përqind të popullsisë së saj, një normë më shumë se dy herë më e lartë se mesatarja aktuale e Bashkimit Evropian, ku midis 3 dhe 4 përqind e njerëzve janë vaksinuar deri tani. Shumica e 1.1 milion dozave, gati 7 milion, janë importuar nga kompania kineze Sinopharm.

Një milion tjetër vaksina do të mbërrijnë në Beograd para muajit Mars dhe Serbia po negocion me Rusinë për të filluar deri në fund të vitit prodhimin në vend të vaksinës Sputnik V.  As Agjencia Evropiane e Barnave e BE dhe as SHBA nuk kanë autorizuar deri më tani vaksinën kineze Sinopharm.

Hungaria i ka dhënë dritën jeshile kinezëve sipas rregullave të emergjencës që lejojnë një shtet anëtar të BE të shkojë përpara edhe nëse Rregullatori Evropian nuk ka marrë një vendim, me kusht që të marrë përsipër përgjegjësitë.

Ende nuk ka një afat kohor se kur vaksinat e COVAX do të arrijnë në rajon, por parashikimet janë për në muajin Prill duke siguruar që të gjitha vendet pjesëmarrëse do të kenë qasje të barabartë në furnizimet me vaksina pavarësisht nga pasuria e tyre.

Vetëm javën e kaluar Republika Srpska në Bosnje dhe Hercegovinë mori 2,000 dozat e para të vaksinave Sputnik V nga Rusia. Autoritetet e Republika Srpska presin të marrin afërsisht edhe 200,000 doza të tjera nga Rusia në fund të muajit Shkurt dhe një sasi të njëjtë deri në mes të muajit Mars.

Javën e kaluar, Mali i Zi tha se po priste të shpërndaheshin 100,000 vaksina ruse, me 5,000 dozat e para që do të mbërrinin menjëherë.

Ironia është se pas gabimeve fillestare në muajin Mars të vitit 2020, kur BE mënjanoi Ballkanin Perëndimor nga planet e saj për përballimin e pandemisë. BE ndryshoi kurs me pas dhe e përfshiu Ballkanin Perëndimor në prokurime duke ofruar mbështetje financiare për sistemet shëndetësore.

Mali i Zi, Kosova dhe Bosnjë-Hercegovina presin dërgesat e para përmes COVAX në pranverë, por edhe ato po kërkojnë zgjidhje më të shpejta.

Qeveria shqiptare ka siguruar gjithashtu 500,000 doza direkt nga Pfizer, me 1170 që kanë mbërritur deri më tani dhe 40,000 që do të dorëzohen në fund të Shkurtit. Pjesa e mbetur nuk pritet para vjeshtës.

Klan News