Ministri i Brendshëm Ervin Hoxha ka prezantuar 12 drejtorët e rinj të qarqeve. Krerët e rinj të drejtorive vendore u zgjodhën me anë të konkursit të realizuar nga Drejtoria e Përgjithshme e Policisë së Shtetit, garë në të cilën morën pjesë 43 oficerë.

Në qarkun e Tiranës është emëruar Elton Alushi, i cili deri më tani mbante postin e zëvendës drejtorit të policisë në Vlorë.

Alushi më herët ka mbajtur dhe poste drejtuese në komisariatet e vendit.

Në Durrës emërohet kreu i Forcave Operacionale, Vilson Bala, i cili po në të njëjtin qark ka mbajtur postin e shefit të komisariatit.

Në Shkodër emërohet Fatmir Lleshaj, i cili ishte Drejtor i Menaxhimit dhe Drejtimit në Policinë e Shtetit. Për Lleshajn sfida e parë është zbardhja e masakrës së Dobraçit. Për këtë ngjarje ministri i Brendshëm kërkoi vënien para përgjegjësisë të autorëve.

Në Elbasan emërohet Fatmir Hoxha, në Berat Luigj Vathi.

Vlora i është besuar një ish-drejtuesi të AMP tiranë, i cili më herët ka qenë dhe pjesë e Policisë së Shtetit.

Skënder Hitaj, i cili garoi edhe për drejtues të Policisë së Shtetit dhe deri më tani drejtonte qarkun e Durrësit, tashmë do të drejtojë Fierin.

Një tjetër kandidat që aspiroi për Drejtorinë e Përgjithshme është dhe Altin Mena i cili është emëruar në qarkun e Lezhës.

Deri më tani ai mbante postin e zëvendës drejtorit në këtë qark.

Qarku i Kukësit dhe Dibrës i është ngarkuar dy ish-drejtorëve të Policisë së Vlorës ndër vite, përkatësisht Berberi në Kukës dhe Duka në Dibër.

Në Korçë është emëruar Erion Ahmeti, ndërsa në Gjirokastër Altin Merizaj.

Ahmeti aktualisht kishte pozicion drejtues pranë Policisë Rrugore, ndërsa Merizaj mbante postin e drejtorit për kufirin në Shkodër.

DREJTORET E 12 QARQEVE

Elton Alushi – Drejtor i Policisë Tiranës

Vilson Bala – Drejtor i Policisë Durrës

Skënder Hitaj – Drejtor i Policisë Fier

Fatmir Hoxha – Drejtor i Policisë Elbasan

Fatmir Lleshaj – Drejtor i Policisë Shkodër

Erion Ahmeti – Drejtor i Policisë Korçë

Elidon Çela – Drejtor i Policisë Vlorë

Altin Mena – Drejtor i Policisë Lezhë

Altin Merizaj – Drejtor i Policisë Gjirokastër

Luigj Vathi – Drejtor i Policisë Berat

Gentian Berberi – Drejtor i Policisë Kukës

Artion Duka – Drejtor i Policisë Dibër

Klan News