Pas raportimit  nga The Wall Street Journal se OpenAI nuk ka krijuar një opsion që mund të përcaktojë esetë e shkruara me saktësi të lartë nga ChatGPT, kmpania  ka dhënë disa informacione për kërkimet e saj për shenjimin e tekstit dhe pse ende kjo metodë nuk është bërë publike.

Sipas artikullit të WSJ, debati nëse ky opsion duhet të prezantohet ka ngadalësuar daljen e tij, edhe pse  është  “gati”.

Në një përditësim Open Ai thotë: “Ekipet tona kanë krijuar një metodë për shenjimin e tekstit që ne vazdojmë ta konsiderojmë ndërsa po kërkojmë për alternativa”.

Kompania e rendit si një prej zgjidhjeve të shumta, duke përfshirë klasifikimin dhe metadata që i ka hulumtuar si pjesë e “kërkimit të zgjeruar për prejardhjen e tekstit”.

Sipas OpenAI,  kjo “ka qenë shumë e saktë” në disa situata,  por nuk rezulton mirë me disa opsione si “përdorimi i përkthimit, riformulimi i fjalive apo vendosja e një simboli të veçantë midis çdo fjale dhe më pas fshirja e karakterit’.

“Shenjimi i tekstit mund të ndikojë negativisht në disa grupe”, tha OpenAI. “Për shembull, mund të stigmatizojë përdorimin e IA si një mjet i dobishëm shkrimi për personat që nuk flasin anglisht”.

OpenAI po i konsideron të gjitha këto rreziqe. Gjithashtu kompania tha se i ka dhënë prioritet publikimit të mjeteve të verifikimit për përmbajtjet audiovizuale./tvklan.al