Lajme, #edicioniinformativ ora 19:30 data 15 Dhjetor 2024 #TvKlan #klanlajme

Spiker: Reis Çiço

Headline 15 Dhjetor 2024

Zbulohet si trafikantët e armëve ranë në “Grackën” e policisë me blerje të simuluar

Dalin detaje të reja nga hetimet që çuan në zbulimin e një rrjeti të trafikut të armëve që shkëmbeheshin me kokainë në vendin tonë. Agjentë të infiltruar të policisë kryen blerje të simuluar për të konfirmuar përfshirjen e personave në këtë rrjet.

Meloni: Qendrat e emigrantëve në Shqipëri do të funksionojnë. Dua të luftoj mafien

Reshjet shkaktojnë probleme në Durrës. Edhe në Divjakë mbeten nën ujë toka bujqësore

Reshjet masive të shiut të një dite më parë kanë lënë pasoja në qytetin e Durrësit ku uji është i pranishëm në një sërë lagjesh të banuara. Edhe në zonën e Divjakës mbeten nën ujë toka të mbjella bujqësore.

Meshkujt shqiptarë lëvizin me makina. Femrat e të moshuarit, me transport publik

Meshkujt shqiptarë rezultojnë të lëvizin më shumë me automjete private. Sipas një raporti të fundit të Bashkimit Europian, transporti publik në vendin tonë përdoret më së shumti nga femrat dhe pensionistët.

1.2 milionë italianë në 11 muaj në Shqipëri. Francezët, me rritjen më të madhe nga Europa

1.2 milionë italianë kanë vizituar gjatë këtij viti vendin tonë duke zënë vendin e parë të turistëve të huaj që kanë hyrë në Shqiperi. Rritjen më të madhe mes europianëve e kanë francezët ndërsa janë dyfishuar vizitorët nga Kina dhe India.

Trump emëron Grenell të dërguar special për krizat. Reuters: Mbulojë dhe konfliktet në Ballkan

Riçard Grenell përfshihet sërish në poste të larta të administratës amerikane. Presidenti i zgjedhur Donald Tramp e ka emëruar si të dërguar të posaçëm për krizat në botë. Sipas “Rojters”, Grenell do të mbulojë edhe konfliktet në Ballkan.

/tvklan.al