Lajme, #edicioniinformativ ora 23:45 data 9 Dhjetor 2024 #TvKlan #klanlajme

Spiker: Reis Çiço

Headlines 9 Dhjetor 2024

SHBA shpall kreun e Spak në 10 emrat kampion në luftën antikorrupsion. Blinken: Dumani, goditi politikanët e lartë

SHBA shpall kreun e SPAK-ut, ne mesin e 10 kampioneve në luftën Antikorrupsion për 2024. Çmimi iu dorezua nga sekretari amerikan i shtetit Blinken, i cili tha se Dumani goditi politikane te larte dhe se SPAK është një nga institucionet më të besueshme.

Kryesia e PS ndryshon disa drejtues politik. Klosi shkon në Dibër, Gonxhja vjen në Tiranë

Kryesia e Partisë Socialiste miratoi sot ndryshimet e drejtuesve politikë në disa qarqe. Sekretari i Përgjithshëm i PS, Blendi Klosi do të drejtojë socialistët e Dibrës, ndërsa ministri i Ekonomisë, Blendi Gonxhja vjen në Tiranë.

Berisha: Gati të negociojmë për emigrantë. Protestë me 23 dhjetor në Tiranë. Qeveria teknike, normë në kushtetute

Sali Berisha kërkon që qeveria teknike të sanksionohet në kushtetutë ndërsa u shpreh i gatshëm të negociojë me mazhorancën për votën e emigrantëve. Ai lajmëroi mbajtjen e një tjetër proteste kombëtare në 23 dhjetor në Tiranë.

Vrasja e 14-vjeçarit, autori apelon vendimin. Kërkon të dalë nga burgu me masë më të lehtë

Një masë më të butë se “arresti në burg” i ka kërkuar gjykatës së Apelit, 14-vjeçari i akuzuar për vrasjen një moshatari të tij pranë shkollës “Fan Noli” në Tiranë. Nëpërmjet avokatit ai ka pretenduar se ka qëlluar me thikë për vetëmbrojtje.

Pusteci, Libohova dhe Finiqi rrezikojnë “zhdukjen”. Janë njësitë bashkiake më me pak lindje fëmijesh

Të dhënat e censit të fundit zbulojnë se disa bashki të vogla rrezikojnë të zhduken për shkak të numrit mjaft të ulët të lindjeve. Pusteci, Libohova dhe Finiqi renditen të fundit për fëmijët e moshës nga zero deri në 4 vjeç.

Feste dhe kaos në Siri. Lirohen të burgosurit, plaçkiten bankat

E gjithë Siria është mbërthyer nga festimet, por edhe nga kaosi. Rebelët hapën burgjet duke liruar kundërshtarët e Asadit, ndërsa disa e kanë shfrytëzuar situatën për të plaçkitur bankat. Mohamed Al Bashir zgjidhet kreu i qeverise tranzitore.

/tvklan.al