Sipas MeteoAlb: Moti i ftohtë dhe me ngrica mbetet prezent në zonat malore përgjatë shtrirjes Lindore ndërsa kthjellime dhe vranësira të shpeshta do të ketë në ultësirën perëndimore.

Orët vijuese sjellin zhvillim të vranësirave në zonat veriore dhe pjesërish në qendër duke rrezikuar reshje të pakta shiu e dëbore.

Gjatë natës vranësirat e dendura dhe reshjet përfshijnë të gjithë territorin e vendit.

Temperaturat e ajrit do të rriten në mëngjes dhe mesditë duke luhatur vlerat ditore nga -4°C deri në 15°C.

Era do të fryjë mesatarisht me shpejtësi 45 km/h nga drejtimi kryesisht Jugor duke krijuar në brigjet detare dallgëzim mbi 3 ballë. /tvklan.al