Qipro është pajisur me sistemin “Iron Dom”, sistemin e mbrojtjes ajrore nga Izraeli. Lajmi është bërë i ditur nga televizioni qipriot Sigma.

Mediat greke raportojnë se përmes burimeve nga Ministria e Mbrojtjes kanë mësuar se duhet blerë edhe një pajisje tjetër që sistemi të funksionojë plotësisht.

Ndërsa zyrtarisht Ministria e Mbrojtjes nuk bën asnjë koment duke thënë se nuk komenton çështjet e armatimit.

Procedurat për blerjen e kupolës së hekurt nga Izraeli, Qipro i kishte nisur vite më parë.

Në vijim pritet që Qipro të blejë edhe pjesë të tjerë për të kompletuar sistemin.

Kjo do t’i japë Qipros një sistem nga më të avancuarit në botë të mbrojtjes ajrore, siç është ai i Izraelit, “Iron Dom”.

Së shpejti pritet që Qipro të finalizojë edhe blerjen e disa helikopterëve ushtarakë nga Franca.

/tvklan.al