E ftuar: Meri Shehu

Rrëfehet Meri Shehu / Nga studimet për mësuesi, astrologjia dhe lidhja me vajzën

E njohim si astrologe, Meri Shehu zbulon profesionin si intelektuale përpara famës

“Astrologia më e famshme në Shqipëri” është fraza që dëgjojmë sa herë përmendet Meri Shehu. Por përpara se të ishte astrologe e aq më tepër, e famshme, Meri Shehu ka pasur një profil profesional krejt tjetër. Do t’ju tingëllojë e habitshme, por astrologia është diplomuar për Mësuesi, një fakt që habit edhe vetë Magjistarin, moderatoren e programit “Rudina” në Tv Klan.

Rudina Magjistari: Si u gjende ti pjesë e astrologjisë?

Meri Shehu: Unë isha e përgatitur si një intelektuale shumë e denjë, madje deri diku isha edhe ateiste sepse kështu na kishin edukuar. Shkolla jonë kështu na edukoi, që të ishim të përgatitur moralisht, të ishim njerëz praktikë, të fuqishëm, studiova, mbarova universitetin.

Rudina Magjistari: Për çfarë ke studiuar?

Meri Shehu: Për Mësuesi. Kam mbaruar universitetin në Elbasan, po.

Rudina Magjistari: Pedagogji, kështu që duhet të ishe sot një mësuese në 9-vjeçare ose në shkollat e mesme.

Meri Shehu: Po, kam dhënë mësim.

Rudina Magjistari: Vërtet?

Meri Shehu: Po. Krahas astrologjisë, unë kam dhënë dhe shumë nxënës më mbajnë mend, kam dhënë mësim te “Qemal Stafa”, kam dhënë mësim te “Gjon Buzuku”.

Rudina Magjistari: Seriozisht e ke? Çfarë lënde ke dhënë?

Meri Shehu: Po unë nga fillimet e mia u futa në dispozicion dhe ku kishte vend bosh, jepja por faktikisht kam mbaruar për ciklin e ulët që në atë kohë ishte një nga shkollat e preferuara për femra, dihej që do të ishe mësuese, gjithë verën do ta kishe pushim. Megjithatë, por e pashë që nuk mund t’i përkushtohesha më arsimit, rruga ime filloi të ndryshonte dhe shpeshherë edhe dilemat me veten time, a duhet ta vazhdoj këtë gjë sepse edhe kjo ka  pasur shumë vështirësi, paragjykime, unë jam tip intelektual, astrologjia është shumë intelektuale por shpeshherë njerëzit nuk e kuptonin të gjithë dhe e shihnin thjesht si një fall. Unë gjithmonë kam dhënë atë më të madhen e astrologjisë, atë që njeriu çfarë është, çfarë energjish ka, si t’i përdorë dhe mesazhe të bukura kemi dhënë ndër vite.

Rudina Magjistari: Të ka bërë për vete le të themi, kjo  fushë, të ka përfshirë.

Meri Shehu: Më ka shënuar, më shumë më ka gjetur ajo mua sesa e kam gjetur unë atë. Unë kam pasur dilemat e mia gjatë rrugës.

Rudina Magjistari: Takimi i parë, momenti i parë me astrologjinë?

Meri Shehu: Ka qenë rastësor.

”Lumturi që s’e kam ndier më”, Meri Shehu kujton lindjen e vajzës dhe tregon raportin me të

Parashikimet e saj javore dhe mujore për vendosjen e planetëve nuk mungojnë kurrë në “Rudina” në Tv Klan, por në këtë bisedë, Meri Shehu nuk flet vetëm për astrologjinë. Edhe pse është astrologia më e njohur, s’e kemi parë kurrë të tregojë rreth vetes apo jetës private që ka preferuar ta mbajë gjithnjë larg vëmendjes.

Duke respektuar dëshirën e saj, Rudina Magjistari i kërkoi astrologes të përshkruante vetëm ndjesitë e momenteve të bukura e më konkretisht, lindjen e vajzës. Meri shprehet se ka qenë një lumturi e pakrahasueshme me asgjë tjetër.

Meri Shehu: Thonë që kur lind një fëmijë disa e përjetojnë keq, por unë aty kam ndier lumturinë  më të madhe. Në kishte ndjenjë lumturie që mund të jetojë një njeri… aty fluturoje! Nuk e di, ta jep natyra, ta jep momenti, ta jep instinkti, por unë lumturi të tillë nuk kam ndier më. Aty e kam prekur, them që ajo ishte një lumturi që ata që  e kanë jetuar ta mbajnë mend, por ata që s’e kanë jetuar, ta provojnë. Vetëm ai moment pas lindjes që kishe një lumturi të paparë, nuk ka të krahasuar. Unë s’e kam përjetuar më. Çfarëdo sadisfaksioni pune, personal, çfarëdolloj gëzimi tjetër, nuk ma ka dhënë atë lumturi që unë kam ndier atëherë.

Astrologia tregoi edhe për  marrëdhënien nënë-bijë që duket se bazën më të fortë ka besimin.

Rudina Magjistari: Me çfarë syri të sheh?

Meri Shehu: Gjithmonë me syrin kritik.

Rudina Magjistari: Mund ta themi që është artiste në profesion? I takon një prej profesioneve kreative.

Meri Shehu: Thjesht më menaxhon, më drejton në mënyra të ndryshme me idetë dhe unë e besoj. I vetmi njeri që besoj është ajo.

Horoskopi për verën/ Meri Shehu bën renditjen për korrikun dhe gushtin

“Meshkujt Peshore, të papërballueshëm”/Parashikimi i Meri Shehut ‘kurorëzon’ shenjën fatlume të verës

Pas rrëfimit për jetën personale në “Rudina” në Tv Klan, Meri Shehu i rikthehet bisedës në atë për të cilën e njohim të gjithë dhe që e bën më së miri: astrologjia. Këtë herë, parashikimi i yjeve për të gjitha shenjat do të jetë për muajt e korrikut dhe të gushtit. Njëkëohësisht, Meri i ka renditur si gjithnjë nga shenja më me pak fat te ajo që ‘do të mbretërojë’.

12. Demi

Kanë filluar të ndihen keq qëkur ka ikur Jupiteri nga shenja, por do ta përjetojnë verën me një nxehje të tepërt, këtej nxeh Dielli në Gaforre e në Luan, por këtej është Marsi dhe i kap një nervozizëm, nerv, inat për gjërat që nuk janë arritur siç duhet, por çdo gjë rreth e rrotull nuk do ju lërë të jeni kaq të qetë. Diçka do t’ju nervozojë ose do të doni patjetër të bëni një lëvizje më të nxituar ose më të fortë nga karakteri juaj. Demët do të jenë paksa të irrituar ose nuk do të dinë brenda  vetes se çfarë mungon, çfarë duan dhe kjo do t’i bëjë pak konfuzë. Megjithatë, çështjet ekonomike pavarëissht  se këtë konfuzion do ta nxjerrin në marrëdhëniet personale, me të tjerët, me veten, ndoshta nuk janë të kënaqur me partnerin, por tema e verës janë çështjet ekonomike. Do të ketë momente reelaksimi dhe qetësimi sepse Jupiteri në Binjak ua jep këtë mundësi, por vera ka shpenzime të mëdha dhe një nerv sa i përket anës ekonomike që do të duket më shumë gjatë muajit gusht. Gjatë gushtit shpenzimet dhe çështjet ekonomike janë të tilla sa do të thonë që më mirë të isha i nervozuar me veten sesa të merrem me këto që duan shumë kujdes. Të mos bëjnë shumë shpenzime për të rifituar atë që mendojnë se u mungon dhe ta kthejnë çdo gjë në anën materiale ose zotëruese që çdo gjë e blej, e marr, të luftojnë më shumë sesa duhet për çështjet ekonomike.

11. Bricjapi

Do të kenë një intensitet të madh lëvizjesh, kontaktesh, kryesisht me jashtë ose çështje ligjore të prapambetura që duhet t’i zgjidhin, kontrata pune, studimesh, të paktën gjatë pjesës më të madhe të korrikut, do të thoni është verë por akoma punohet dhe Bricjapët do ta ndiejnë këtë gjë. Madje shumë Bricjapë me një shpejtësi të çuditshme do të duan të udhëtojnë, të ikin jashtë, të ndryshojnë mënyrën e jetesës dhe këtë e ngacmon sidomos Marsi në Dem dhe u jep këtë nerv për të bërë ndryshime. Kjo verë është punë për Bricjapët, dypunësim ose punë ku nuk e presin dhe do t’i nervozojë kjo përditshmëri e vrullshme dhe e paprogramuar sepse këtë ua jep Jupiteri në Binjak dhe u nxjerr punë pas pune. Kontakte me jashtë, lëvizje shumë të çuditshme në përditshmëri, dalin nga stiva e njerëzve shumë të programuar, bëhen më të reklamuar në jetën e tyre dhe mund të kthehet në një bezdi. Kujdes shëndetin nga gjithë kjo energji e tepërt.

10. Akrepi

Janë në këtë pozicion sepse kanë Marsin në Dem përballë. Marsi në Dem nuk është një favor shumë i madh, do të jetë një verë, të paktën korriku, antagoniste, do të kenë përballë bashkëpunime, por duhet të jenë të shpejtë, të përpiktë që t’i kapin mundësitë dhe të kenë kujdes marrëdhëniet në çift. Nuk duhet fare tension ose nuk duhet të lidhen me nejrëz që kanë ritëm më të madh nga sa mund të pranojnë Akrepët. Nëse nxjerrin nervin e tyre e bëjnë 10-fish më shumë sesa shenjat e tjera kështu që nejrëzit provokues përballë tyre që i fusin në një lojë, duhet të jenë të vëmendshëm. Do të ketë martesa të shpejta, Afërdita në Gaforre i ndihmon këtë verë për kontakte me jashtë, njohje kështu që martesat me të huaj do të jenë shumë prezente në shenjën e Akrepit ose bashkëpunimet me jashtë, të paktën gjatë korrikut. Gjatë gushtit kemi Akrepë që do të bëjnë karrierë, më shumë famë, do të reklamohen, do të bëjnë shumë emër e famë, do të bien në sy, do të jenë në qendër të vëmendjes.

9. Dashi

Marsi është futur në Dem dhe kjo do të thotë se do të kenë shpenzime të papara dhe të pakontrolluara. Muaji më i favorizuar është gushti, aty do të çlirohen nga pasiguritë, do të udhëtojnë, do të kontaktojnë, dashurojnë, relaksohen dhe do të bëjnë atë që kanë ëndërruar gjithmonë. Gjatë korrikut do të jenë më të mbledhur, do të merren me çështje familjare, blerje shtëpie, prone, arredime, çështje  ekonomike që lidhen me bizneset familjare dhe do të ndiejnë ritmin e shpenzimeve. Por që të shpenzosh duhet  të kesh dhe Dashëve mund t’u dhembë pak koka derisa t’i gjejnë ato që kanë për të shpenzuar. Çdo gjë do të kalojë me korrikun, gushti është muaj që u përket dhe pas datës 20 e tutje fillojnë shumë punë për Dashët ose shumë produktivitet lidhur me të.

8. Gaforrja

Afërdita dhe Mërkuri janë në shenjën e tyre gjatë korrikut kështu që do të jetë sipas ujërave të tyre, pastaj Gaforret do të merren më shumë me reklamimin e gjërave dhe jetën personale. Gushti është më intensiv në dalje, blerje, shpenzime të bukura e të shtrenjta. Do ta pëlqejnë këtë luksin dhe shfrenimin në shpenzime, korriku do u japë mundësi e shanse. Duhet të kenë kujdes në miqësitë e reja, lidhje jo shumë të shpejta apo për inat ose një veprim i nxituar në jetën personale. Me lidhjet planetare, korriku do të jetë muaj me fat në njohje, kontakte, fejesa e martesa kurse gushti është dëfrim dhe shpenzim i mundësive që kanë fituar gjatë korrikut. Gaforret dalin nga guaska e tyre dhe tregojnë çfarë kanë bërë. Gushti është i favorizuar, por shanset më të mëdha i kanë gjatë korrikut për të realizuar ëndrrat e tyre.

7. Virgjëresha

 Korrikun do ta kenë shumë pozitiv sepse Afërdita e Mërkuri janë në Gaforre dhe do të marrin mbështetje e përkrahje. Ka disa eklipse që mund t’i lodhin pak dhe Marsi në Dem që ata që nuk janë të lidhur, nuk kanë krijuar një shtëpi ose familje, do të duan në mënyrë urgjente ta bëjnë një gjë të tillë, madje edhe të bëjnë një fëmijë, mendojnë se janë të vonuar ata që nuk e kanë realizuar por edhe ndonjë projekt, biznes të rëndësishëm. Korriku është shumë intensiv në planet dhe projektet e tyre. Gushti ka të bëjë me një akumulim ndjenjash ose dëshire për të qenë më vete, për ta shijuar me pak njerëz ose gjëra që u interesojnë. Nuk janë shumë të deklaruar e të hapur, por në plane shumë të vogla pë të shijuar momentet, për të menduar se çfarë mund të bëjnë më vonë për më mirë.

6. Binjakët

Jupiteri është në shenjën e tyre, por me Marsin në Binjak në gusht do të ndihen më shumë dhe do të forcohen,  do të shumëfishojnë mundësinë e veprimit, do të jenë të papërballueshëm, do të thonë çfarë t’u vijë në mendje kështu që do të jenë si një tren i shpejtësisë së lartë. Nuk do të shkojnë në distanca të mëdha, por rreth e rrotull. Do të marrin energji e furi të madhe për të bërë gjëra që janë rrotull, është momenti që nuk shfrytëzohet sa duhet. Do të jenë një nga shenjat më ekspresive, sidomos në gusht s’do të ketë Binjak pa mundësi e shanse, një prurje të re në jetën e tyre.

5. Shigjetari

Pas Binjakëve me të cilin qëndron përballë, trenin e shpejtësisë mund ta përpunojnë, menaxhojnë dhe marrin në një moment tjetër. Do të jenë të penguar sepse nuk është momenti i filozofive të tyre, por i gjërave më të vogla, praktike që duhet të përballojnë e përshtaten. Shigjetarët do tas shijojnë verën, por  sidomos gushtin me Afërditën dhe Mërkurin në Luan ku dashuritë, daljet, argëtimet do të jenë prezente, do të dashurohen me shikim të parë apo të dytë, do të jenë një nga shenjat që do të ndihen si fëmijë. Do të kenë në mendje dikë që i ka provokuar, ngacmuar ose që ka bërë diçka më shumë se ata dhe do të duan t’ua rrëmbejnë, por duhet ta shohin në fund të gushtit për një punë ose projekt të rëndësishëm.

4. Peshorja

Është një nga shenjat që e kërkon martesën me doemos, mund ta gjejë gjatë korrikut, të këndshme, të bukur sepse Afërdita dhe Mërkuri në Gaforre gjatë tij do t’i japë takimet e duhura dhe mund të bëhen martesa ose promovime shumë të bukura. Marsi në Dem tregon që do të kenë pak probleme  me detyrimet që kanë pasur ndaj të tjerëve, çështje kredimarrjesh, huadhënie, huamarrje ku duhet ta nivelojnë mirë jetën e tyre sepse mund të krijojnë  probleme. Kujdes  me energjinë që shprehin.  Peshoret meshkuj do të jenë më të suksesshmit në arritjen e qëllimeve të tyre erotike sepse Marsi në Dem është në një pozicion që i bën më shpirtërorë, më sulmues dhe të papërballueshëm, do të gjuajnë aty ku duhet, në momentin e duhur. Gushti do të jetë shumë i mirë, me përkrahje sepse Afërdita dhe Mërkuri në Luan janë aleatë shumë të mirë.

3. Ujori

Duhet të ishin në vendin e parë sepse me Jupiterin në Binjak janë shenja që do ta shijojnë më shumë këtë vit, në dashuri do të jenë më të kërkuarit, do të fejohen, lëvizin, argëtohen, festa, pra ata do të jenë pjesë në gjërat e bukura dhe lëvizjet e mëdha. Duhet të kenë kujdes marrëdhhëniet familjare deri në fund të korrikut dhe pasi të kalojnë pengesat e vogla e përgjegjësitë, gushti është perfekt për ta sepse Marsi kalon në Binjak dhe u jep intensitet të madh. Shumë Ujorë mund të mbesin shtatzënë, të planifikojnë fëmijë, fejesa, dashuri të shpejta. Afërdita dhe Mërkuri në Luan do të jenë përballë, por kjo do të thotë që kanë shanse për bashkëpunime të rëndësishme, aleanca me njerëz me potencë dhe anë ekonomike të ngritur, kanë fuqi të bëjnë gjërat të shkëlqejnë. Është një nga shenjat me fat dhe çdo gjë që kërkojnë e ëndërrojnë u bëhet realitet. Nuk do të jenë të stresuar sesi të jenë të parët në teknologji e promovim, do të shkrihen më shumë me jetën e përditshme.

2. Peshqit

Më në fund, shenja e ujit, detit, Poseidonit por Afërdita e Mërkuri në Gaforre do të thotë që do të mbyllin punë të mira gjatë korrikut, do të njihen shumë, do të bëjnë biznese lidhur me turizmin, kontakte të rëndësishme, rrugë detare, tregtare që mund të lidhen me ujin. Do të fillojnë të mirat materiale dhe do të kenë një ngritje shpirtërore sepse kanë qenë të rënë moralisht për shkak të Saturnit  në shenjën e tyre që çfarëdo bëjnë, ai u fut në realitet, gjë që Peshqit duan t’i shmangen sepse janë shenjë artistike, kërkon filozofinë, të përkryerën, artin. I lodh rutina, prakticiteti, realiteti dhe i bën të mos jenë vetvetja. Janë shumë të lodhur, gati në fillimet e një krize nervore kështu që korriku i shpëton dhe gushti i jep disa të dhëna të mira ekonomike, shpirtërore ose i fut në një realitet dhe shpërblim  shpirtëror.

1.Luani

Do të ndihen të shpërblyer sepse Jupiteri në Dem i lodhi disi, tashmë hyn në Binjak dhe i çliron, do të  kenë udhëtime, kontakte, do të zbresin disa shkallë nga froni për të fuqizuar aleancat e tyre. Afërdita e Mërkuri do të jenë në shenjën e tyre në gusht, Dielli po ashtu dhe të gjithë këta bashkë do të bëjnë që jeta e Luanëve do të ndryshojnë. Jo të gjithë Luanët ndihen të lumtur, por kanë nevojë për shkëlqimin kështu që pavarësisht sesa do të arrijë t’i prekë lumturia, do të ndiejnë qoftë edhe shkëlqimin e përkohshëm. Korrikun e kanë më personal, do të duan të mendojnë, planifikojnë, menaxhojnë mirë të ardhruat ekonomike që të jenë krenarë për xhepin ose mundësitë e veta. Marsin në Dem gjatë korrikut duhet ta kenë kujdes sidomos në marrëdhënie me eprorë, shef të ri ose ndryshim në  karrierë. S’duhet të jenë shumë antagonistë e nervozë në ambientin e punës sepse nuk i favorizon.

Cilat janë 3 shenjat e horoskopit me më shumë fat të verës, i zbulon Meri Shehu

E shkruar në yje! U kthye nga Greqia dhe u bë astrologia më e famshme, Meri Shehu: Ma tha horoskopi

Programi “Rudina” është zhvendosur nga studioja në Tv Klan në një ambient në breg të detit për të na sjellë gjithë energjinë e verës. Të ftuarën e ditës e njohim të gjithë si astrologen më të famshme në Shqipëri që çdo javë e fillim muaji na njeh me parashikimet e saj të shenjave, por këtë herë Meri Shehu vjen në një rrëfim ndryshe.

Edhe pse e njohur, pak dimë për Merin përtej ekranit ndaj në bisedën me Rudina Magjistarin, astrologia ka zbuluar si rrallëherë një anë tjetër.

Rudina Magjistari: Me notin si i ke marrëdhëniet?

Meri Shehu: Unë di të notoj shumë mirë.

Rudina Magjistari: Vërtet?

Meri Shehu: Po, unë kam lindur në Vlorë, normale që…

Rudina Magjistari: Sa gjëra nuk i dimë nga Meri! S’e dija unë që ishe nga Vlora ti!

Meri Shehu: Po, unë kam lindur në Vlorë, por detin e kam pjesë timen, por si të gjithë ne Akrepët, unë që i përkas shenjës së Akrepit, jemi pak tipa të çuditshëm, me dallgët, kemi frikë nga thellësitë, nga dallgët, por notin e di perfekt, zhytjet nuk i kam qejf.

Rudina Magjistari: Sepse do siguri Akrepi ndoshtaa?

Meri Shehu: Do siguri, nuk mund të futem diku ku s’e kontrolloj dot. Ta dish që kokën nuk e kam zhytur  asnjëherë.

Meri shton se ka jetuar shumë vite në Greqi dhe më pas vendosi të kthehej. Këtë vendim nuk e mori spontanisht, po besojeni ose jo, fati është vërtet i shkruar në yje pasi ia tha horoskopi!

Rudina Magjistari: Si e ke marrë vendimin për t’u kthyer?

Meri Shehu: Unë, për kuriozitetin e të gjithëve, më shumë më kanë thënë mësuesit e mi të astrologjisë që duhet të kthehesha në Shqipëri. Ata morën një vendim të tyrin duke parë edhe hartën time ose natyrën time dhe më thanë që ti duhet të ikësh atje. Ishte një vendim i përbashkët.

Rudina Magjistari: Në Shqipëri edhe mungonte.

Meri Shehu: Po, nuk kishte, por panë edhe natyrën time. Më shumë kanë qenë ata iniciatorë që unë të rikthehesha në Shqipëri, pastaj edhe dëshira sepse kur je në një vend të huaj, sado-sado, të gjithë mund të ecin, mund të bëjnë biznese, mund të bëjnë prokopi themi ne nga jugu, por si vendi yt, pozicionin që mund të arrish dhe të perfeksionohesh, si vendi yt nuk ka. Rruga ime ka qenë sa e lehtë dhe e vështirë, mua të gjithë më njohin që kam vite që e jap, e luftoj se media është e vështirë, nuk është kaq e lehtë që t’i rezistosh ndër vite, por ia dolëm. Të paktën ndihem e kënaqur për momentin.

/tvklan.al