Në një mori të ndërmarra së fundmi, Presidenti amerikan Donald Trump njoftoi se Shtetet e Bashkuara do të tërhiqen nga organi më i lartë i OKB-së për të drejtat e njeriut.

“OKB-ja ka një potencial të jashtëzakonshëm. Por tani nuk është duke u udhëhequr mirë. Ata nuk po e bëjnë punën. Shumë nga këto konflikte për të cilat po punojmë duhet të zgjidhen, ose të paktën ne duhet të kemi një ndihmë për zgjidhjen e tyre. Duket se ne kurrë nuk marrim ndihmë. Ky duhet të jetë qëllimi parësor i Kombeve të Bashkuara”, tha Donald Trump.

Uashingtoni është kontribuesi më i madh financiar i OKB-së, i pasuar nga Kina, që përbën 22% të buxhetit bazë të OKB-së dhe 27% të buxhetit për operacionet paqeruajtëse. OKB-ja tha së fundmi se SHBA-ja i detyrohet organizatës rreth 3 miliardë Dollarë.

Tërheqja e SHBA-së nga Këshilli i OKB-së për të Drejtat e Njeriut nuk do të ishte gjithashtu e para për Trump, i cili u tërhoq nga këshilli edhe në mandatin e tij të parë.

Trump gjithashtu tërhoqi Shtetet e Bashkuara nga Këshilli i të Drejtave të Njeriut i OKB-së dhe nga UNRWA, agjencia që mbështet refugjatët palestinezë. Përpara njoftimit të Trump, zëdhënësi i OKB-së Stephane Dujarric përsëriti rëndësinë e Këshillit të të Drejtave të Njeriut dhe punën e UNRWA-së në ofrimin e “shërbimeve kritike për palestinezët”.

Këtu Trump përsëriti sërish idenë e shpërnguljes së palestinezëve nga Gaza, me qëllim rindërtimin e enklavës.

Urdhrat ekzekutivë të Trump kërkojnë gjithashtu një rishikim të përfshirjes amerikane në Organizatën e Arsimit, Shkencës dhe Kulturës të OKB-së me bazë në Paris, e njohur si UNESCO.

Klan News